सासष्टी: वेर्णा येथील औद्योगिक वसाहतीतील एका लैंगिक अत्याचार प्रकरणी पोलिसांनी अटक केलेले इरफान खान (वय २३) याचा जामीन अर्ज दक्षिण गोवा प्रधान जिल्हा सत्र न्यायालयाने फेटाळून लावला.
संशयितावर वेर्णा पोलिसात गुन्हा दाखल झाल्यानंतर त्याला अटक केली होती. १५ फेब्रुवारी रोजी संशयिताने पीडितेवर तिच्या संमतीशिवाय अत्याचार केला. त्यानंतर दुसऱ्या दिवशी पहाटेच्या सुमारास त्याने पीडितेला वेर्णा आयडीसी येथील एका निर्जनस्थळी नेऊन बेल्टने मारहाण करत पुन्हा तिच्यावर अत्याचार केला.
या प्रकाराबाबत कोणाला सांगितल्यास गंभीर परिणाम भोगण्याची धमकी दिली होती. या सुनावणीदरम्यान, संशयिताने स्वतःचा बचाव करताना आपल्याला या खोट्या प्रकरणात अडकवल्याचा दावा केला होता. मात्र सरकारी वकिलांनी याला विरोध केला.
