Goa Film Festival | गोव्यात आंतरराष्ट्रीय चित्रपटांचा महासोहळा! इफ्फीमध्ये यंदा काय आहे खास?

Goa Film Festival | भारतीय आंतरराष्ट्रीय चित्रपट महोत्सवाची (इफ्फी) जोरदार सुरुवात झाली आहे. यंदाचा महोत्सव जागतिक सिनेमा, नवे विभाग आणि डिजिटल माध्यमातील वैविध्यामुळे विशेष लक्ष वेधून घेत आहे.
IFFI Goa 2026
IFFI Goa 2026
Published on: 
Updated on: 

पणजी : भारत शिंदे

भारतीय आंतरराष्ट्रीय चित्रपट महोत्सवाची (इफ्फी) जोरदार सुरुवात झाली आहे. यंदाचा महोत्सव जागतिक सिनेमा, नवे विभाग आणि डिजिटल माध्यमातील वैविध्यामुळे विशेष लक्ष वेधून घेत आहे. 'स्टोरीज विदाउट बॉर्डर्स' या संकल्पनेखाली ८६ देशांतील १५० हून अधिक चित्रपट या महोत्सवात दाखवले जात आहेत. १३७ देशांतून आलेल्या १,२०० हून अधिक प्रवेशिकांमधून या चित्रपटांची निवड केलेली आहे. 'फादरलँड' हा उद्घाटनाचा, 'आय मॅटर' हा मध्यवर्ती आणि 'व्ही आर ऑल स्ट्रेंजर्स' हा समारोपाचा चित्रपट आहे.

IFFI Goa 2026
IFFI Goa | समुद्रकिनारा, चित्रपट आणि कलाप्रेम! इफ्फीच्या रंगात रंगली गोव्याची राजधानी पणजी

यंदाच्या महोत्सवात स्पेन सन्माननीय देश, तर रशिया भागीदार देश म्हणून सहभागी झाला आहे. ब्रिक्स सिनेमा विभागात ब्राझील, रशिया, भारत, चीन आणि दक्षिण आफ्रिका येथील चित्रपटांचा समावेश आहे. भारतीय पॅनोरमा विभागात १८ भाषांतील ७६ चित्रपट झळकणार आहेत. नव्या प्रतिभेला वाव देण्यासाठी ५२ महिला चित्रपट निर्मात्या आणि ६२ पदार्पण करणाऱ्या दिग्दर्शकांच्या कलाकृतींवर भर देण्यात आला आहे.

'क्रिएटिव्ह माइंड्स ऑफ टुमारो'च्या सहकार्यापर्वात १३ कलाप्रकारांतील १०० युवा निर्मात्यांना मार्गदर्शन मिळणार असून, १४ मास्टरक्लासेस आणि परिसंवादांचेही आयोजन केले आहे. दरम्यान, 'इफ्फी २०२६' मध्ये भारतीय चित्रपटसृष्टीतील दिग्गज व्यक्तिमत्त्वांच्या जन्मशताब्दीनिमित्त त्यांना आदरांजली वाहण्यात येणार आहे.

यामध्ये ज्येष्ठ चित्रपट निर्माते शक्ती सामंता आणि राज खोसला, अभिनेते उत्तम कुमार, सूर्यकांत मांडरे, प्रेम नझीर आणि राज कुमार, तसेच प्रसिद्ध संगीतकार ओ.पी. नय्यर आणि रवी यांचा समावेश आहे. भारतीय चित्रपटसृष्टीतील त्यांच्या योगदानाबद्दल त्याचा या महोत्सवात गौरव करण्यात येणार आहे.

ॲनिमेशनचा नवा विभाग

इफ्फीमध्ये 'ॲनिमेशन' आणि 'फिल्म्स अबाउट फिल्म्स' हे दोन विशेष विभाग सुरू करण्यात आले आहेत. ॲनिमेशन विभागात जपान, फ्रान्स, चीन, सिंगापूर आणि अमेरिकेतील पाच गाजलेले चित्रपट दाखवले जात आहेत. शू झाओ दिग्दर्शित चीनचा 'लाइट पिलर' हा भविष्यातील अंतराळ प्रवास व एकांतावर भाष्य करणारा चित्रपट आहे. सिंगापूरच्या सन शुन यांचा चिनी भाषेतील 'मॅजिक ॲटलास' हा जादुई नकाशा आणि स्मृतींवरील चित्रपट आहे, तर ब्रॅड बर्ड दिग्दर्शित अमेरिकन चित्रपट 'रे गन' ने या विभागाचा समारोप होणार आहे.

IFFI Goa 2026
Panaji Market | पणजी बाजारात उष्णतेचा कडाका वाढल्याने लिंबू प्रतिनग 10 रुपयांवर तर शहाळे 70 रुपयांवर पोहोचले

ओटीटी वेब सिरीजलाही स्थान

'सर्वोत्कृष्ट वेब सिरीज (ओटीटी)' पुरस्कारासाठी पाच मालिकांना नामांकन मिळाले आहे. देवा कट्टा दिग्दर्शित 'मयसभा : द राइज ऑफ द टायटन्स' ही १९७० च्या दशकातील आंध्र प्रदेशच्या राजकारणावर आधारित मालिका आहे. रुचिर अरुण दिग्दर्शित 'मुसाफिर कॅफे' ही चंदर मोहन शर्मा यांचा प्रेम व स्व-शोधाचा प्रवास उलगडणारी मालिका आहे.

लोककथा, शिक्षण, उद्योजकता आणि नात्यांतील गुंतागुंत मांडणाऱ्या या नामांकितांमुळे ओटीटी माध्यमाची सशक्तता अधोरेखित झाली आहे. हिमांक गौर द्वारा दिग्दर्शित 'आदर्श बाल विद्यालय' भारतातील सार्वजनिक शिक्षण व्यवस्थेतील वास्तवावर विनोदी आणि सामाजिक टिप्पणीच्या माध्यमातून भाष्य करते. यांचा समावेश आहे.

लोकल ते ग्लोबल बातम्यांसाठी डाऊनलोड करा दैनिक पुढारीचे Android आणि iOS मोबाईल App.

'Pudhari' is excited to announce the relaunch of its Android and iOS apps. Stay updated with the latest news at your fingertips.

Android and iOS Download now and stay updated, anytime, anywhere.