पणजी : पुढारी वृत्तसेवा
खुनाचा प्रयत्न केल्याचा आरोप असलेल्या संशयित स्वानंद अंबादास कसबे (वय ४०) याच्याविरुद्ध आरोपपत्र दाखल होऊन वर्ष उलटले तरी ३६ साक्षीदारांपैकी एकाही साक्षीदाराची साक्ष तपासली नाही.
सुनावणीला विलंब संशयिताच्या कोणत्याही चुकीमुळे झालेला नाही. या खटल्यावर निर्णय लवकर लागण्याची शक्यता कमी आहे, असे निरीक्षण करत मुंबई उच्च न्यायालयाच्या गोवा खंडपीठाने संशयिताला सशर्त जामीन दिला.
हॉटेलात म्हापसा येथील स्वागतिका म्हणून कामाला असलेल्या संदेश पाडोस्कर याच्यावर संशयिताने स्वानंद कसबे याने १९ डिसेंबर २०२४ रोजी संध्याकाळी ५ च्या सुमारास चाकूने हल्ला करून पसार झाला होता. या हल्ल्यात संदेश जखमी होऊनही त्याने संशयिताचा पाठलाग केला मात्र तो पसार झाला. संदेश जखमी अवस्थेत हॉटेलकडे परतला व पडून बेशुद्ध झाला होता.
