पणजी : पुढारी वृत्तसेवा
स्वच्छ स्वयंपाकाला प्रोत्साहन देण्याच्या आणि नवीकरणीय ऊर्जेचा अधिक वापर करण्याच्या उपक्रमाचा एक भाग म्हणून, राज्य सरकार ६० घरांमध्ये घरगुती स्वयंपाकासाठी सौर ऊर्जेवर निर्माण केलेल्या विजेचा प्रायोगिक तत्वावर वापर करण्याची योजना आखत आहे.
एलपीजीऐवजी स्वयंपाकासाठी सौर ऊर्जेवर निर्माण झालेली वीज वापरण्यास कुटुंबांना प्रोत्साहित करणे, हा यामागील उद्देश आहे, अशी माहिती गोवा सौर ऊर्जा विकास संस्था (ेडा) च्या एका अधिकाऱ्याने दिली.
निवडक घरांमध्ये हा प्रकल्प स्थापित केला जाईल, जेणेकरून होणारी बचत आणि या हस्तक्षेपामुळे सौर वीज ग्रिडवर होणाऱ्या परिणामाचे मूल्यांकन करता येईल, असे अधिकाऱ्याने सांगितले.
या प्रायोगिक प्रकल्पातून गोळा केलेला डेटा, स्वयंपाकासाठी सौर ऊर्जेचा वापर केल्याचा परिणाम ठरवण्यासाठी आणि या मॉडेलचा विस्तार करता येईल की नाही हे तपासण्यासाठी उपयुक्त ठरेल. तसेच, नवीन आणि नवीकरणीय ऊर्जा मंत्रालयाकडे सादर करण्यासाठी एक संकल्पना तयार करण्याकरिता या निष्कर्षांचा वापर करण्याचा प्रस्ताव आहे.
आवश्यक मंजुरी मिळाल्यानंतर हा उपक्रम हाती घेतला जाईल, असे अधिकाऱ्याने सांगितले. यापूर्वी गावांमध्ये नवीकरणीय ऊर्जा अवलंब आणि शाश्वत ऊर्जा पद्धतींबद्दल जागरूकता पसरवण्यासाठी पंचायत स्तरावर एक कार्यक्रम आयोजित करण्यात आला होता, असे अधिकारी म्हणाले.
या प्रायोगिक प्रकल्पात स्थानिक मच्छीमार समुदायांसोबत तंत्रज्ञान, प्रशिक्षण, सेवा आणि वित्तपुरवठा प्रारूपांची चाचणी घेतली जाईल. ही अंमलबजावणी सहा टप्प्यांत होईल. ज्यामध्ये ऑक्टोबर २०२६ ते जानेवारी २०२७ या कालावधीत स्थापना, कार्यान्वयन आणि प्रशिक्षण नियोजित आहे, त्यानंतर कामगिरीचे निरीक्षण आणि मूल्यांकन केले जाईल.
एक विद्युतीकृत होडी मासेमारीच्या एका हंगामात सुमारे ३५० ते ४२० लिटर पेट्रोलची बचत करू शकते, तर ५० बोटी मिळून, एका हंगामात ३५ हजार ते ४२ हजार लिटर जीवाश्म इंधनाची बचत होण्याचा अंदाज आहे असे अधिकारी म्हणाले.
शंभर टक्के नवीकरणीय आणि हरित-विद्युत-आधारित मत्स्यव्यवसायाच्या दिशेने वाटचाल करण्याच्या प्रयत्नात, गोवा ५० पारंपारिक मासेमारीच्या होड्यांना पेट्रोल आणि डिझेल इंजिनवरून बॅटरीवर चालणाऱ्या इलेक्ट्रिक होड्यांमध्ये रूपांतरित करण्याचा प्रायोगिक प्रकल्प सुरू करणार आहे. गेडाच्या नेतृत्वाखाली, मत्स्यव्यवसाय संचालनालय आणि (एक जर्मन एजन्सी) च्या सहकार्याने हा प्रकल्प सुरू केला जाणार आहे, असे अधिकाऱ्याने सांगितले.१०
