पणजी : पुढारी वृत्तसेवा
फोंडा मतदारसंघासाठी आमदार नसला तरी या मतदारसंघाची जबाबदारी आपण घेतलेली आहे. यापूर्वीही आपण हे स्पष्ट केले आहे, असे स्पष्टीकरण मुख्यमंत्री डॉ. प्रमोद सावंत यांनी दिले आहेत.
मात्र, मंत्रिपदाबाबत मुख्यमंत्र्यांनी अद्याप सस्पेन्स कायम ठेवले आहे. शुक्रवारी एका कार्यक्रमानंतर मुख्यमंत्र्यांना फोंडा मतदारसंघात आमदार नसल्यामुळे लोकांना आपल्या समस्या कुणाकडे मांडायच्या असा प्रश्न निर्माण झाल्याचे पत्रकारांनी मुख्यमंत्र्यांच्या लक्षात आणून देतात फोंड्याची जबाबदारी आपण घेतलेली आहे.
त्यामुळे फोंड्याच्या लोकांनी आपल्याकडे समस्या घेऊन यावे, असे डॉ. सावंत म्हणाले. रिक्त मंत्रिपदावर कोणाची वर्णी लावणार का? गोविंद गावडे यांचे नाव चर्चेत आहे असे मुख्यमंत्र्यांना विचारले असता लवकरच रिक्त मंत्रिपद भरले जाईल आणि त्यानंतर कोणाची वर्णी लागते हे सगळ्यांना कळेल असे सांगून नव्या मुख्यमंत्र्यानी मौन पाळले.
त्यामुळे मंत्रीपदाचा सस्पेन्स कायम राहिला मंत्र्याच्या नावाबाबत आहे. वीजमंत्री सुदिन ढवळीकर यांनीही माध्यमांशी बोलताना फौंडा मतदारसंघात आमदार नसल्यामुळे तेथील लोक आपल्याकडे कामे घेऊन येत असल्याचे म्हटले होते. फोंडा मतदारसंघ हा मगोचा बालेकिल्ला असल्यामुळे आणि यापूर्वी आम्ही तेथे भरीव काम केलेले असल्यामुळे फोंड्याचे लोक आपल्याकडे येत असल्याचे ढवळीकर यांनी म्हटले होते
