Cancer Research Goa | गोव्यात कर्करोग रुग्णांसाठी मोठी बातमी! टाटा कॅन्सर हॉस्पिटल आणि ऑक्सफर्ड विद्यापीठाची मदत मिळणार

Cancer Research Goa | मुख्यमंत्र्यांची माहिती : ‘गोवा ज्ञान भांडार’मधून हस्तलिखिते संवर्धन
Cancer drugs
Cancer drugsFile Photo
Published on: 
Updated on: 

पणजी : पुढारी वृत्तसेवा

राज्य मंत्रिमंडळाने राष्ट्रीय महत्त्वाच्या हस्तलिखितांचा संग्रह असलेल्या मान्यताप्राप्त खासगी संग्रहालयांना आर्थिक साहाय्य देण्यासाठी ‘गोवा ज्ञान भांडार संवर्धन’ योजनेला मंजुरी दिली आहे. तसेच एआय धोरणासह चार प्रस्तावांना मंजुरी दिल्याची माहिती मुख्यमंत्री डॉ. प्रमोद सावंत यांनी दिली. बुधवारी मंत्रिमंडळ बैठकीनंतर मुख्यमंत्री पत्रकार परिषदेत बोलत होते.

Cancer drugs
Panaji Market | पणजी बाजारात उष्णतेचा कडाका वाढल्याने लिंबू प्रतिनग 10 रुपयांवर तर शहाळे 70 रुपयांवर पोहोचले

मुख्यमंत्री डॉ. सावंत म्हणाले की, गोव्यातील सरकारी व खासगी संग्रहालयांत असलेल्या राष्ट्रीय महत्त्वाच्या हस्तलिखितांचा संग्रह असलेल्या मान्यताप्राप्त खासगी संग्रहालयांना ‘गोवा ज्ञान भांडार संवर्धन’ योजनेअंतर्गत आर्थिक साहाय्य दिले जाईल. अर्थसाहाय्य प्रत्येक संग्रहालयाकडे असलेल्या हस्तलिखितांवर अवलंबून असेल.

या योजनेसाठी एक कोटी रुपयांची आर्थिक तरतूद करण्यात आली आहे. राज्यभरातील हस्तलिखिते एकत्र आणून त्यांचे जतन करण्यासाठी ‘गोवा राज्य हस्तलिखित अभियानांतर्गत’ अंदाजे एक कोटी रुपयांच्या अर्थसंकल्पासह एका स्वायत्त संस्थेच्या स्थापनेलाही गोवा मंत्रिमंडळाने मंजुरी दिली आहे, असे मुख्यमंत्र्यांनी सांगितले. डॉ. सावंत यांनी पुढे सांगितले की, मंत्रिमंडळ बैठकीत पुराभिलेख (अभिलेखागार) खात्याअंतर्गत ‘गोवा राज्य ऑडिओ-व्हिज्युअल आर्काइव्ह’ योजनेला मंजुरी दिली गेली आहे.

ज्याच्या अंमलबजावणीसाठी एका वर्षात ४५ लाख रुपयांची प्रारंभिक आर्थिक आवश्यकता आहे. ग्रीन अभिलेख सर्वेक्षण योजना अभिलेखागार खात्यातर्फे राबवली जाणार असल्याचे त्यांनी नमूद केले. गोवा मंत्रिमंडळाने ‘गोवा केअर कर्करोग संशोधन प्रकल्पा’साठी वैद्यकीय कार्यक्रम समन्वयक, संशोधन समन्वयक, क्षेत्रीय कर्मचारी, प्रयोगशाळा तज्ज्ञ आणि प्रशासकीय कर्मचाऱ्यांसह कंत्राटी भरतीला मंजुरी दिली आहे.

तसेच गोवा सरकारचे आरोग्य खाते, टाटा कॅन्सर इस्पितळ मुंबई व ऑक्सफर्ड विद्यापीठ यांच्यात एक करार झालेला असून, त्या माध्यमातून गोव्यात कर्करोगावरील चांगल्यात चांगले उपचार उपलब्ध केले जातील; त्यासाठी कर्करोग संशोधन समिती नेमली जाईल, असे मुख्यमंत्र्यांनी सांगितले.

Cancer drugs
Panaji shopkeepers fire safety demand|पणजी मार्केटमधील १०९ दुकानांना आगीचा धोका

खाण खात्यात नवीन पदे मुख्यमंत्री डॉ. प्रमोद सावंत यांच्या अध्यक्षतेखालील गोवा मंत्रिमंडळाने ‘गोवा एआय धोरण २०२६’ ला मंजुरी दिली. या धोरणात एआय कौशल्य आणि क्षमता बांधणीसाठी ६० टक्के, स्टार्टअप प्रोत्साहनासाठी २० टक्के आणि पायाभूत सुविधांच्या विकासासाठी २० टक्के तरतूद करण्यात आली आहे.

एआय प्रशिक्षण विद्यार्थ्यांनाही दिले जाईल, असे सांगून मंत्रिमंडळ बैठकीत खाण खात्यात नवीन पदे निर्माण करण्याचा व ती भरण्याचा निर्णय घेण्यात आल्याचे मुख्यमंत्री सावंत यांनी स्पष्ट केले.

लोकल ते ग्लोबल बातम्यांसाठी डाऊनलोड करा दैनिक पुढारीचे Android आणि iOS मोबाईल App.

'Pudhari' is excited to announce the relaunch of its Android and iOS apps. Stay updated with the latest news at your fingertips.

Android and iOS Download now and stay updated, anytime, anywhere.