फोंडा (गोवा) पुढारी वृत्तसेवा: लग्न जुळवत नसल्याच्या वादातून मुलाकडून झालेल्या मारहाणीत वडिलांचा दुर्देवी मृत्यू झाला. ही घटना तळपणवाडा – शिरोडा येथे बुधवारी (दि. 2) दुपारी घडली.
तळपणवाडा येथील राजेश गणेश गावकर (वय 34) याने वडील गणेश राघोबा गावकर (65) यांच्याशी लग्न का जुळवत नाही म्हणून भांडण उकरून काढले. या भांडणाचे पर्यावसान मारहाणीत होऊन राजेश याने जवळ असलेली लोखंडी पहार वडिलांच्या डोक्यात घातली. एवढ्याने समाधान न झालेल्या गणेशने टाईल्सचा तुकडा वडिलांच्या डोक्यावर मारला.
यामध्ये गणेश गावकर रक्तबंबाळ होऊन खाली कोसळले. त्यांना सुरुवातीला मडगाव हॉस्पिसियो इस्पितळ व नंतर बांबोळी इस्पितळात अधिक उपचारासाठी दाखल केले. उपचार सुरू असताना गणेश यांचे सायंकाळी निधन झाले.
फोंडा पोलिसांनी या प्रकरणी खुनाचा गुन्हा दाखल केला. संशयिताला पोलिसांनी अटक केली आहे. पोलिस अधिक तपास करीत आहे. याप्रकरणी मयत गणेश गावकर यांची मुलगी शर्मिला गावकर यांनी पोलिसांत तक्रार दिली.
हेही वाचा
