बाजारात आता काही प्रमाणात द्राक्षांची रेलचेल आहे. शरीरासाठी उपयुक्त आणि चवदार असलेल्या या फळापासून एक आरोग्यदायी आणि स्वादिष्ट जॅम सहज तयार करता येतो. खास गोष्ट म्हणजे मुलांनाही हा जॅम खूप आवडतो. चला तर मग, जाणून घेऊया द्राक्षांचा स्वादिष्ट जॅम तयार करण्याची सोपी आणि झटपट रेसिपी.
हिरवी किंवा काळी द्राक्षे – ५०० ग्रॅम (बिनबियाणांची घ्या किंवा बिया काढून टाका)
साखर – २५० ग्रॅम (चवीनुसार कमी-जास्त करू शकता)
लिंबाचा रस – १ टीस्पून
वेलची पूड (ऐच्छिक) – १/४ टीस्पून
द्राक्षे नीट धुवून घ्या.
बिया असतील तर काढून टाका.
मिक्सरमध्ये थोडी जाडसर वाटून घ्या.
जाड बुडाच्या भांड्यात द्राक्षाचा लगदा टाका.
मध्यम आचेवर शिजवा, थोडं पाणी वाष्पीभूत होईपर्यंत.
आता त्यात साखर टाकून नीट मिसळा.
मिश्रण हळूहळू घट्ट होऊ लागेल आणि जॅमसारखी टेक्श्चर येऊ लागेल.
मध्ये मध्ये हलवत राहा, जेणेकरून खाली लागत नाही.
चमच्यावरून थेंब घसरत नाहीत आणि एकसंध गळतात, म्हणजे जॅम तयार आहे.
गॅस बंद करा आणि त्यात लिंबाचा रस टाका – यामुळे जॅम अधिक काळ टिकेल.
हवे असल्यास वेलची पूड टाका – यामुळे चव आणि सुगंध वाढतो.
थंड झाल्यावर स्वच्छ आणि कोरड्या बरणीत भरून फ्रीजमध्ये ठेवा.
जॅम काढताना नेहमी कोरडाच चमचा वापरा.
फ्रीजमध्ये ठेवल्यास २–३ आठवडे सहज टिकतो.
हा द्राक्षांचा जॅम चपाती, ब्रेड किंवा पराठ्याबरोबर खूप छान लागतो. मुलांना आरोग्यदायी पर्याय द्यायचा असेल, तर हा घरगुती जॅम नक्की करून पाहा! खवय्यांच्या आवडीनुसार तुम्ही साखरेचं प्रमाण कमी-जास्त करू शकता.
