जळगाव : शहरातील वाढत्या गुन्हेगारीला आळा घालण्यासाठी एमआयडीसी पोलीस स्टेशनच्या हद्दीत राबवण्यात आलेल्या रात्र गस्तीदरम्यान पोलिसांनी धारदार शस्त्रे बाळगणाऱ्या पाच जणांना अटक केली आहे. आरोपींकडून तलवार, चाकू आणि गज यांसारखी घातक शस्त्रे जप्त करण्यात आली असून, त्यांच्यावर भारतीय न्याय संहिता २०२३ नुसार गुन्हा दाखल करण्यात आला आहे.
सोमवार (दि.27) रोजी रात्री एमआयडीसी पोलीस स्टेशनचे पथक शहरातील संवेदनशील भागात गस्त घालत असताना गोपनीय माहिती मिळाली की, काही इसम धारदार शस्त्रे घेऊन फिरत आहेत. त्यानुसार पोलिसांनी कानन नगर, बांद्यावाडा आणि एमआयडीसी परिसरात छापे टाकले आणि पाच जणांना ताब्यात घेतले आहे.
पोलीसांकडून झडतीदरम्यान कनीसिंग धनसिंग पाटील, महेश शिरसाळे, पोह. प्रकाश लांडगे , पोह. किरण चौधरी, पोह. योगेश घेगडे या आरोपींकडून तलवार, चाकू आणि गज अशी शस्त्रे जप्त करण्यात आली आहेत.
पाचही आरोपींवर एमआयडीसी पोलीस स्टेशन येथे भादंवि कलम ३/२५, ४/२५, महाराष्ट्र पोलीस अधिनियम कलम १३५/३७ आणि भारतीय न्याय संहिता २०२३ चे कलम १०३ अंतर्गत गुन्हा दाखल करण्यात आला आहे. आरोपींना २८ ऑक्टोबर २०२५ रोजी न्यायालयात हजर करण्यात येणार आहे.
पोलीस अधीक्षक डॉ. महेश्वर रेड्डी, अपर पोलीस अधीक्षक अशोक नखाते, आणि उपविभागीय पोलीस अधिकारी नितीन गणापुरे यांच्या मार्गदर्शनाखाली, एमआयडीसी पोलीस स्टेशनचे निरीक्षक बबन आढाव आणि त्यांच्या पथकाने ही कारवाई पार पाडली.
