जळगाव : भुसावळ शहरात मोठ्या प्रमाणात चैन स्नॅचिंगचे गुन्हे घडत आहेत. बाजारपेठ गुन्हे शोध पथकाने गुप्त माहितीच्या आधारे चैन स्नॅचिंग करणाऱ्या अट्टल आरोपीला अटक केली आहे. चोरट्याने अमळनेर आणि खामगाव तालुक्यात जबरीने सोन्याच्या दागिन्यांची चोरी केल्याची कबुली दिली आहे.
भुसावळ परिसरात चैन स्नॅचिंग आरोपी शहरात फिरत असल्याची माहिती भरून बाजारपेठच्या गुन्हे शोध पथकाने आरोपी मझर अब्बास जाफर (वय 18 वर्षे, रा. मुस्लीम कॉलनी, भुसावळ) याला ताब्यात घेत त्याची विचारपूस केली असता त्याने अमळनेर पोलीस ठाण्यात गुन्ह्यांची कबुली दिली. त्याने 90 हजार रुपये किमतीची 12 ग्रॅमची सोन्याची पोत आणि 70 हजार रुपये किमतीची 14.05 ग्रॅम सोन्याची चैन असे एकूण 1 लाख 60 हजार रुपये किमतीचे दागिने चोरी केल्याची कबुली दिली आहे.
संशयित आरोपीला पुढील तपासासाठी अमळनेर पोलीस ठाण्याच्या तपासी अधिकाऱ्यांच्या ताब्यात देण्यात आले आहे. या कारवाईत पोलीस अधीक्षक महेश्वर रेड्डी, अप्पर पोलीस अधीक्षक अशोक नखाते, उपविभागीय पोलीस अधिकारी कृष्णांत पिंगळे आणि भुसावळ बाजारपेठ पोलीस ठाण्याचे निरीक्षक राहुल वाघ यांच्या मार्गदर्शनाखाली पोलीस उपनिरीक्षक मंगेश बाधन, विजय नेरकर, प्रशांत परदेशी, योगेश माळी, राहुल वानखेडे, भुषण चौधरी, सचिन चौधरी, अमर आढळे, योगेश महाजन यांनी कामगिरी बजावली आहे.
