ITR Filing Last Date Update: आज ३१ जुलै २०२६ रोजी इनकम टॅक्स रिटर्न अर्थात ITR फाईल करण्याची शेवटची तारीख आहे. जर तुम्ही देखील अजून रिटर्न भरला नसेल तर ही बातमी तुमच्यासाठी अत्यंत महत्वाची आहे. आयकर विभागाने करदात्यांना एक इशारा दिला आहे. विभागाने क्रिकेटची भाषा वापरत हिट विकेटचे उदारहण दिलं आहे.
आयकर विभागाने आयटीआर रिटर्न फाईल्सची डेटलाईन चुकवणे म्हणजे क्रिकेटमध्ये फलंदाज आपली विकेट स्वतःच उडवतो तशी आहे. ही एक अशी चूक आहे जी तुम्ही टाळू शकता. मात्र असं असलं तरी अनेक करदाता हे अगदी शेवटच्या तारखेची वाट पाहतात.
आयकर विभागाने सोशल मीडियावर पोस्ट करत स्पष्ट केलं की आयटीआर १ आणि आयटीआर २ दाखल करण्याची ही शेवटची संधी आहे. जर वेळेत रिटर्न भरला तर दंड आणि व्याज दोन्ही वाचू शकते. वेळेत रिटर्न न भरता तुम्ही ही प्रक्रिया फ्री हिटमध्ये बदलू शकता.
आता करदात्यांच्या मनात एक मोठा प्रश्न आहे. ३१ जुलै रोजी रिटर्न अपलोड करण्यासोबतच ई-व्हेरिफिकेशन देखील गरजेचे आहे का तर याचं उत्तर नाही असं आहे. नियमानुसार जर एखाद्या करदात्याने ३१ जुलैपर्यंत आयटीआर भरला तर त्याचे ई-व्हेरिफिकेशन करण्यासाठी ३० दिवसांची मुदत आहे. म्हणजे तर आज रिटर्न भरला तर ऑगस्ट महिन्याच्या शेवटच्या तारखेपर्यंत तुम्ही ई-व्हेरिफिकेशन करू शकता.
जर एखाद्या करदात्याने ३० दिवसांच्या कालावधीत व्हेरिफिकेशन केलं नाही तर व्हेरिफिकेशनची तारीख रिटर्न दाखल करण्याची तारीख मानली जाईल. अशा स्थितीत के रिटर्न विलेटेड श्रेणीत जाते. त्यामुळं दंड आणि व्याज लागू शकते.
जर ३१ सप्टेंबर २०२६ पर्यंत जर तुम्ही व्हेरिफिकेशन केलं नाही तर दाखल केले गेलेले रिटर्न हे पूर्णपणे अमान्य होतं. यात काही कायदेशीर दिलासा मिळतो. मात्र व्हेरिफिकेशन करणं करदात्यांसाठी आवश्यक आहे. त्यात विनाकारण विलंब करणे योग्य नाही.
