पुढारी ऑनलाइन डेस्क : अर्थमंत्री निर्मला सीतारामन यांनी 2023 च्या अर्थसंकल्पीय भाषणा दरम्यान महिलांसाठी महिला सन्मान बचत पत्र योजनेची (MSSC) ची घोषणा केली. या योजनेत महिलांना दोन लाख रुपयांपर्यंतच्या गुंतवणुकीवर आंशिक पैसे काढण्याच्या पर्यायासह 7.5 टक्के व्याज मिळेल, असे म्हटले होते. जाणून घ्या योजनेत गुंतवणुकीवर नेमका किती परतावा मिळेल आणि तो करमुक्त असेल का इत्यादी योजनेचा तपशील…
MSSC योजनेसाठी व्याज उत्पन्नाची गणना पोस्ट ऑफिसद्वारे ऑफर केलेल्या इतर लहान बचत योजनांप्रमाणेच असण्याची शक्यता आहे. 7.5% व्याजाने, MSSC योजना एका वर्षात 15,427 रुपये आणि दोन वर्षांत 32,044 रुपये परतावा देईल. अशा प्रकारे, दोन वर्षांत एकूण रु. 2 लाख गुंतवणुकीचे मूल्य रु. 2.32 लाख होईल, असे फायनान्शिअल एक्सप्रेसने दिलेल्या माहितीत म्हटले आहे.
MSSC योजनेतील गुंतवणूक आयकर कायद्यानुसार कर कपातीसाठी पात्र ठरेल की नाही हे अर्थमंत्र्यांनी अद्याप स्पष्ट केले नाही. MSSC योजनेअंतर्गत केलेल्या गुंतवणुकीच्या कर आकारणीबाबत स्पष्टतेसाठी तुम्हाला अधिकृत अधिसूचनेची प्रतीक्षा करावी लागेल.
SBI रिसर्चने बजेट 2023 वरील आपल्या विशेष अहवालात म्हटले आहे. "सरकारला वित्तीय तूट भरून काढण्यासाठी मदत करण्याबरोबरच देशातील बचतीला प्रोत्साहन देण्यासाठी हे एक चांगले पाऊल आहे. सध्याच्या 6.75% च्या बँक एफडी दराच्या तुलनेत 7.5% चा ऑफर दर कसा चालतो हे पाहणे बाकी आहे. सरकार MSSC ला एक मुक्त-सवलत-सवलत (EEE) गुंतवणूक म्हणून चिन्हांकित करू शकते."
फायनान्शिअल एक्सप्रेसने दिलेल्या माहितीनुसार, MSSC खाते उघडण्याची सुविधा पोस्ट ऑफिसमध्ये उपलब्ध करून दिली जाण्याची शक्यता आहे. तथापि, सरकार काही बँकांना MSSC योजना ऑफर करण्यास परवानगी देऊ शकते. स्पष्टतेसाठी तुम्ही अधिकृत अधिसूचनेची प्रतीक्षा करावी लागणार आहे.
MSSC योजना खाते उघडण्याची सुविधा 1 एप्रिल 2023 पासून किंवा भारत सरकारने जाहीर केल्यानुसार उपलब्ध होण्याची शक्यता आहे.
हे ही वाचा :
