आपले शरीर शरीरात कोणत्याही आजाराचे संकेत वेगवेगळ्या प्रकारे देत असते. शरीरात काही बिघाड झाला असेल, तर युरीनमध्ये म्हणजे लघवीतही बदल दिसून येतो. लघवीचा रंगच नाही, तर त्याचा उग्र वासदेखील शरीरात विकसित होणार्या आजारांचे लक्षण असू शकते. लघवीला सामान्य वास असणे गैर नाही; परंतु जर अचानक तीव्र वास येऊ लागला तर त्याकडे अजिबात दुर्लक्ष करू नये. अशा परिस्थितीत, योग्य वेळी डॉक्टरांचा सल्ला घेणे आपल्यासाठी महत्त्वाचे आहे.
लघवीतून तीव्र दुर्गंधी येणे, हे देखील मधुमेहाचे प्रारंभिक लक्षण असू शकते. रक्तातील साखरेची पातळी जास्त राहते तेव्हा लघवीला तीव्र वास येऊ लागतो. विशेषत:, युरीनला गोड वास येत असेल, तर साखरेची पातळी जास्त असण्याची शक्यता असते. अशा परिस्थितीत ताबडतोब डॉक्टरांशी संपर्क साधा.
यूटीआय म्हणजेच मूत्रमार्गाचा संसर्ग. हा एक प्रकारचा जीवाणू संसर्ग आहे जो पुरुषांपेक्षा स्त्रियांमध्ये अधिक प्रमाणात आढळतो. मूत्रमार्गात या संसर्गामुळे, लघवीलाही उग्र वास येऊ शकतो. वास्तविक, बॅक्टेरियामध्ये असलेल्या अमोनियामुळे लघवीला तीव्र वास येतो. लघवी करताना जळजळ किंवा सौम्य वेदना जाणवत असल्यास ताबडतोब डॉक्टरांशी संपर्क साधावा.
