नवी दिल्ली ः सध्या थंडीचा कडाका वाढत आहे. हिवाळ्यात शरीराला उबदारपणा आणि अतिरिक्त ऊर्जा आवश्यक असते. गूळ आणि हरभरा यांचे मिश्रण एक उत्तम सुपरफूड आहे, असे आहारतज्ज्ञ सांगतात. गुळातील लोह, कॅल्शियम आणि खनिजे शरीराला ऊर्जा देतात, तर हरभरा प्रथिने आणि फायबरने समृद्ध आहे. दोन्ही मिळून थंडीत शरीर उबदार ठेवण्यास मदत करतात. गूळ आणि हरभरा खाण्याचे हे काही फायदे...
गूळ आणि हरभर्यामध्ये असलेले पोषक तत्त्व शरीराची रोगप्रतिकारक शक्ती वाढवण्यास मदत करतात. विशेषत: हिवाळ्यात सर्दी आणि खोकल्यापासून तुमचे संरक्षण होते. हरभर्यामध्ये भरपूर फायबर असते, जे पचनसंस्था मजबूत करते. गुळामुळे पचनक्रिया सुधारते आणि बद्धकोष्ठतासारख्या समस्यांपासून आराम मिळतो. ऊर्जेचा उत्कृष्ट स्रोत गुळामध्ये नैसर्गिक साखर असते जी त्वरित ऊर्जा प्रदान करते. हरभरा हळूहळू ऊर्जा सोडतो, ज्यामुळे तुम्हाला दिवसभर उत्साही राहते.
हरभर्याचे सेवन केल्याने पोट दीर्घकाळ भरलेले राहण्यास मदत होते. त्यामुळे वारंवार खाण्याची सवय नियंत्रित राहते. हे वजन कमी करण्यास उपयुक्त आहे. नाश्त्यात गूळ आणि भाजलेले हरभरे एकत्र मिसळून खाऊ शकता. सकाळी रिकाम्या पोटी याचे सेवन केल्याने शरीराला अधिक फायदा होतो. गुळात कॅलरीज जास्त असल्याने जास्त खाऊ नये, याची काळजी घ्यावी, असे तज्ज्ञ सांगतात. मधुमेही रुग्णांनी गुळाचे सेवन मर्यादित प्रमाणात करावे. याशिवाय ज्यांना गॅस्ट्रिकची समस्या आहे त्यांनी डॉक्टरांचा सल्ला घेतल्यानंतरच याचे सेवन करावे, असेही तज्ज्ञ सांगतात.
jaggery, chickpeas, winter health benefits, seasonal foods, winter diet, healthy winter snacks, jaggery and chickpeas, winter nutrition, natural remedies, immune boost in winter
