पंजाबच्या माजी पोलिस अधिकाऱ्याच्या संपत्तीवर ईडीची टाच

नवी दिल्ली; पुढारी वृत्तसेवा : हवाला प्रकरणात गंभीर आरोप झालेल्या पंजाब पोलीस दलातील माजी अधिकारी इंदरजीत सिंग यांच्या 1.32 कोटी रुपयांच्या संपत्तीवर सक्तवसुली संचलनालयाने टाच आणली आहे. एका ड्रग तस्करी प्रकरणाचा तपास करताना सिंग यांचे नाव समोर आले होते. त्यानंतर त्यांची चौकशी करण्यात आली होती.

हवाला प्रतिबंधक कायद्यानुसार सिंग यांच्यावर ईडीने कारवाई केली आहे. अमृतसर जिल्ह्यातील चेहरता येथील त्यांचे घर तसेच बँकेतील 32 लाख रुपयांची ठेव अटॅच करण्यात आले आहे. सिंग यांच्या घराची किंमत एक कोटी रुपयांपेक्षा जास्त असल्याचे ईडीकडून सांगण्यात आले.