Earthquake : पाकिस्तान, चीन आणि… सकाळी ३ देशांमध्ये भूकंपाचे धक्के; तीव्र भूकंपाने लोकांमध्ये दहशत
पुढारी ऑनलाईन ; भारताच्या शेजारी देशांमध्ये पुन्हा एकदा भूकंप झाला आहे. यावेळी एकाच वेळी तीन देशांमध्ये जोरदार भूकंप झाला आहे. आज (मंगळवार) पहाटे पाकिस्तान, चीन आणि पापुआ न्यू गिनीमध्ये भूकंपाचे जोरदार धक्के जाणवले, त्यामुळे झोपलेले लोकही या धक्क्याने जागे झाले. भूकंपाचे धक्के जाणवताच लोक घराबाहेर पडून रस्त्यावर फिरताना दिसले. सध्या या तिन्ही देशांमध्ये जीवित वा वित्तहानी झाल्याचे वृत्त नाही. पापुआ न्यू गिनीमध्ये सर्वाधिक तीव्रतेचा भूकंप झाला आहे.
राष्ट्रीय भूकंप विज्ञान केंद्रांच्या माहितीनुसार, आज पहाटे 03:38 वाजता पाकिस्तानमध्ये भूकंपाचे धक्के जाणवले, ज्याची तीव्रता रिश्टर स्केलवर 4.2 होती. पाकिस्तानमध्ये झालेल्या भूकंपात अद्याप कुठलीही हानी झाल्याचे वृत्त नाही. मात्र, लोकांमध्ये भीतीचे वातावरण आहे.
राष्ट्रीय भूकंप विज्ञान केंद्रांच्या माहितीनुसार, आज पहाटे 03:45 वाजता जिजांगमधील चीनमधील वादग्रस्त भागात 5.0 रिश्टर स्केलचा भूकंप झाला. त्याच वेळी, पापुआ न्यू गिनीमधील न्यू गिनीच्या उत्तरेकडील किनारपट्टीवर आज पहाटे 03:16 वाजता 6.5 रिश्टर स्केलवर तीव्रतेचा भूकंप झाला. राष्ट्रीय भूकंप विज्ञान केंद्रांने अद्याप या तिन्ही ठिकाणी कोणत्याही नुकसानीचे वृत्त दिलेले नाही. मात्र, लोकांमध्ये निश्चितच भीतीचे वातावरण होते.
हेही वाचा :
