विजापूर : घराचे छत कोसळून एका वृद्ध महिलेचा ढिगाऱ्याखाली सापडून मृत्यू झाल्याची घटना गुरुवारी पहाटे जिल्ह्यातील निडगुंदी येथील गौरीश्वर मंदिराजवळ घडली. महादेवी वारद (वय ५५, रा. निडगुंदी) असे मृत महिलेचे नाव आहे.
दोन दिवसांपूर्वी झालेल्या पावसामुळे त्यांचे जुने घर ओले झाले होते. पहाटेच्या सुमारास घराचे छत अचानक कोसळल्याने महादेवी वारद या ढिगाऱ्याखाली सापडल्या. या घटनेत त्यांचा जागीच मृत्यू झाला. घराच्या बाहेर झोपलेले त्यांचे पती शिवानंद वारद हे थोडक्यात बचावले. घटनास्थळी निडगुंदी पोलिस आणि महसूल विभागाच्या अधिकाऱ्यांनी भेट देऊन पाहणी केली.
महादेवी वारद यांचा मृतदेह शवविच्छेदनासाठी रुग्णालयात पाठविण्यात आला. या घटनेची नोंद मिळवली पोलिस ठाण्यात झाली असून पुढील तपास सुरू आहे. या घटनेमुळे परिसरातून हळहळ व्यक्त होत आहे.
