राकसकोप : जुलै महिन्याच्या शेवटच्या आठवड्यात पावसाने दमदार हजेरी लावल्याने बुधवारी रासकोप जलाशय तुडुंब झाले. दोन दरवाजे उचलून ४ इंच पाण्याचा विसर्ग मार्कंडेय नदीच्या पात्रात सुरु झाला. गुरुवारी पाण्याची पातळी २, ४७४ फुटांवर पोचली. त्यामुळे शहरात आठ दिवसाआड होणारा पाणीपुरवठा पाच दिवसाआडवर आला आहे.
९ जुलैरोजी जलाशयाची पातळी २,४५८.८० फुटांवर होती. गतवर्षी जुलै महिन्यात राकसकोप जलाशय तीनवेळा तुडुंब झाले होते. यंदा जलाशय भरण्यासाठी जुलै महिन्याचा शेवटचा आठवडा यावा लागला. बुधवारपासून राकसकोप जलाशयाचे दोन आणि पाच नंबरचे दरवाजे चार इंचांनी उचलून विसर्ग सुरु झाला आहे. गुरुवारी पाण्याची पातळी २,४७४ फुटांवर पोचली. गुरुवारी सकाळपासून पावसाने उसंत घेतली आहे. मात्र आजूबाजूचे नदी नाले प्रवाहीत झाल्याने राकसकोप जलाशयात पाण्याची आवक सुरु आहे.
