बेळगाव : तालुक्यातील मारीहाळ येथून मायलेकी बेपत्ता झाल्याची नोंद मारीहाळ पोलिसांत झाली आहे. पूजा संदीप पाटील (वय ३१) व तिची मुलगी सुकन्या (वय ११, दोघेही रा. मारीहाळ) अशी बेपत्ता झालेल्यांची नावे आहेत.
सदर महिलेच्या पतीने दिलेल्या फिर्यादीत म्हटले आहे की, ३० जून रोजी पूजा ही तिच्या अकरा वर्षाच्या मुलीसह घरात काहीही न सांगता निघून गेली आहे. सदर महिलेची उंची ५ फूट, गोल चेहरा, सरळ नाक, गव्हाळ रंग, काळे केस व अंगाने सडपातळ आहे. तिला कन्नड, मराठी, हिंदी भाषा अवगत आहे. जाताना तिने चॉकलेट रंगाची साडी नेसली आहे.
मुलीची उंची ४ फूट, गोल चेहरा, सरळ नाक, गव्हाळ रंग व अंगाने सडपातळ आहे. तिच्या अंगावर निळा-पांढरा फ्रॉक आहे. तिला मराठी भाषा बोलता येते. या मायलेकीबाबत कोणाला माहिती मिळाल्यास त्यांनी मारीहाळ पोलिसांशी संपर्क (०८३१-२४०५२३९ अथवा ९४८०८०४१११) साधावा, असे आवाहन केले आहे.
