बेळगाव : तरुणाला अटक करून त्याच्याकडून तब्बल 50 हजार रुपये किंमतीचे हेरॉईन जप्त केले. गोकाक शहर पोलिसांनी ही कारवीई केली. अरबाज इस्माईल शाबासखान (वय 25, रा. मोमीन गल्ली, गोकाक) असे संशयिताचे नाव आहे.
सदर तरुण गोकाक शहरातील कोप्प हॉस्पीटलसमोरील खुल्या जागेत अमली पदार्थाची नशा करत असल्याची माहिती गोकाक शहर ठाण्याचे उपनिरीक्षक किरण मोहिते यांना मिळाली. त्यांनी सहकाऱ्यांसह जाऊन छापा टाकला असता सदर तरुण नशा करत असल्याचे आढळून आले. त्याच्याकडील अमली पदार्थ तपासला असता ते हेरॉईन असल्याचे आढळून आले.
त्याच्याकडून सुमारे साडेनऊ ग्रॅम हेरॉईन व तो ओढण्यासाठीचे सिल्वर पेपर जप्त केले आहेत. हेरॉईनची किंमत सध्याच्या बाजारभावानुसार 50 हजार रुपये नोंदवली आहे. गोकाक शहर पोलिसांत नोंद झाली असून उपनिरीक्षक मोहिते तपास करीत आहेत.
