बंगळूर : बंगळूर शहर पोलिसांनी छापे टाकून परराज्यातील एका संशयितासह पाच अमली पदार्थ तस्करांना अटक केली असून, एकूण 11.4 कोटी रुपये किमतीचा गांजा, एमडीएमए आणि एक वाहन जप्त केले आहे. मंगळवारी दिवसभरात ही कारवाई करण्यात आली. म्हैसूर रोडवरील नयनदहळ्ळी सिग्नलजवळ गांजाची वाहतूक करणाऱ्या ड्रग डीलरवर छापा टाकून 3.32 कोटी रुपयांचे अमली पदार्थ जप्त केले.
उप्पारपेटे पोलिस ठाण्याने आर. के. पुरम येथील एका लॉजवर छापा टाकून 7.60 कोटी रुपये किमतीचा 3 किलो 900 ग्रॅम गांजा जप्त केला. त्याचप्रमाणे कडुगोडी पोलिस ठाण्याने चन्नसंद्रा मुख्य रस्त्यावर कारवाई करून 12 लाख रुपये किमतीचा गांजा आणि एमडीएमए जप्त करण्यात यश मिळवले. सीसीबी पोलिसांनी 3.32 कोटी रुपये किमतीचा 332 किलो गांजा, एक मालवाहू वाहन आणि एक मोबाईल फोन जप्त करण्यात यश मिळवले आहे.
उप्पारपेटे पोलिसांनी 7.60 कोटी रुपये किमतीचे 3 किलो एमडीएमए जप्त केले आणि काडुगोडी पोलिसांनी 12 लाख रुपये किमतीचे 12 ग्रॅम एमडीएमए आणि 11 किलो गांजा जप्त केला आहे.
