बंगळूर : राज्यातील म्हादई, मकेदाटू प्रकल्पांची सद्य:स्थिती, धरणातील पाणीसाठा, दुष्काळी परिस्थिती याबाबत नवी दिल्लीतील कर्नाटक भवनात सोमवारी (दि. २७) बैठक घेण्यात आली. मुख्यमंत्री डी. के. शिवकुमार यांच्या अध्यक्षतेखाली झालेल्या बैठकीत चर्चा करून प्रलंबित प्रकल्प पूर्ण करण्यासाठी जोर लावण्याचे ठरले.
म्हादई आणि मकेदाटू योजनांबाबत सविस्तर चर्चा करण्यात आली. याबाबत न्यायालयात सुरू असणाऱ्या कामकाजाची माहिती देत पाणीप्रश्न सुटण्यासाठी यावर भर देण्याचा निर्णय घेण्यात आला. राज्याला भेडसावणारे प्रश्न सोडविण्यासाठी केंद्राबरोबर चर्चा करण्याचे नियोजन करण्यात आले. योजना राबविण्यात येणारे अडसर दूर करण्याचे सूचविण्यात आले. बैठकीला मंत्री रामलिंगा रेड्डी, दिल्लीतील कर्नाटकचे विशेष प्रतिनिधी टी. बी. जयचंद्र, ॲडव्होकेट जनरल शशिकिरण शेट्टी, अप्पर मुख्य सचिव गौरव गुप्ता, मुख्यमंत्र्यांचे सचिव नकुल, तांत्रिक सल्लागार जयप्रकाश यांच्यासह कायदे व पाटबंधारे खात्याचे अधिकारी उपस्थित होते.
