बेळगाव : चोरीच्या दोन कार शोधून त्या जप्त करण्यात एपीएमसी पोलिसांना यश आले आहे. या दोन्ही कारची किंमत २९ लाख रुपये आहे. एक कार बेळगावातून तर दुसरी धारवाडमधून चोरीला गेल्याची नोंद आहे.
१० मे रोजी हनुमाननगर येथील कार चोरीला गेल्याची फिर्याद प्रियांका आजरेकर यांनी एपीएमसी पोलिासंत दिली होती. त्यानुसार पोलिसांकडून शोध सुरु होता. त्याचा शोध घेताना एपीएमसी पोलिस मुंबईला पोचले. या ठिकाणी चोरीच्या दोन कार सापडल्या. त्यात किया सेल्टोस व दुसरी ह्युंदाई क्रेटा कारचा समावेश आहे. या दोन्ही कार जप्त केल्या आहेत. यापैकी एका कारची किंमत १४ लाख तर दुसऱ्या कारची १५ लाख रुपये किंमत होते.
एफआयआर झाल्यानंतर अवघ्या चोवीस तासात पोलिसांनी कारचा शोध लावल्याने एपीएमसी पोलिसांचे आयुक्त भूषण बोरसे यांनी कौतुक केले आहे. निरीक्षक उस्मान आवटी व त्यांच्या सहकाऱ्यांनी याचा शोध घेतला.
