बेळगाव : बेळगाव ग्रामीण मतदारसंघातील प्रत्येक गावात पायाभूत सुविधा बळकट करण्याच्या दृष्टीने विकासकामांना प्राधान्य दिले जात असून, रविवारी (दि. ४) मतदारसंघातील विविध गावांमध्ये ५.०२ कोटी खर्चाच्या रस्ते व गटार बांधकामांना प्रारंभ करण्यात आला.
आमदार लक्ष्मी हेब्बाळकर यांनी मुतगा, बाळेकुंद्री (खु.), होनिहाळ, बाळेकुंद्री (बु.), सुळेभावी आणि मारीहाळ गावांमध्ये विविध कामांचे गावकऱ्यांच्या उपस्थितीत भूमिपूजन करण्यात आले. सुळगा-येळ्ळूर येथे युवा काँग्रेस नेते मृणाल हेब्बाळकर यांच्या हस्ते रस्ते कामाला सुरुवात करण्यात आली. मुतगा येथील अल्पसंख्याक वस्त्यांमध्ये ९० लाख खर्चाच्या नवीन काँक्रीट रस्ते व गटार बांधकामांचे भूमिपूजन लक्ष्मी हेब्बाळकर यांनी केले.
आ. हेब्बाळकर यांनी गावातील अंगणवाडी केंद्राला भेट देऊन मुलांचे आरोग्य, पोषण आणि केंद्रात मिळणाऱ्या सुविधांची माहिती घेतली. बाळेकुंद्री (खु.) गावातील अंतर्गत व बाहेरील भागात सुमारे ७५ लाख खर्चाच्या नवीन काँक्रीट रस्ते व गटार बांधकामांचे भूमिपूजन आमदार हेब्बाळकर यांनी केले. होनिहाळ गावातील अल्पसंख्याक वस्त्यांमध्ये सुमारे ४६ लाख खर्चाच्या काँक्रीट रस्ते व गटार बांधकामांचे भूमिपूजन करण्यात आले. बाळेकुंद्री (बु.) येथील अल्पसंख्याक वस्त्यांमध्ये ९६ लाख खर्चाच्या नवीन काँक्रीट रस्ते व गटार बांधकामांचे भूमिपूजन करण्यात आले.
सुळेभावी गावातील अल्पसंख्याक वस्त्यांमध्ये सुमारे ९० लाख खर्चाच्या नवीन काँक्रीट रस्ते व गटार बांधकामांचे गावकऱ्यांच्या उपस्थितीत शास्त्रोक्त पद्धतीने करण्यात आले. मारीहाळ येथे १.०५ कोटी खर्चाच्या तीन रस्ते कामांना प्रारंभ करण्यात आला. शेताकडे जाणाऱ्या पाणंद रस्त्यासह इतर दोन रस्ते बांधकामांचे भूमिपूजन करण्यात आले.
