Belgaum Matka Gambling: शहरातील सराईत मटका बुकी हद्दपार

बेळगाव : शहरात २००३ पासून मटका खेळणे तसेच मटका बुकी म्हणून ८२ गुन्हे दाखल असलेल्या महम्मदशफी मोदीनसाब तहसीलदार (वय ६९, रा. खंजर गल्ली, बेळगाव) याच्यावर अखेर हद्दपारीची कारवाई करण्यात आली.

पोलिस उपायुक्तांनी गुरुवारी (दि. १३) याबाबतचा आदेश बजावला आहे. शहरातील विविध पोलिस ठाण्यांमध्ये त्याच्याविरुद्ध कर्नाटक पोलिस कायद्यानुसार ८२ गुन्हे दाखल आहेत. त्यापैकी ४९ प्रकरणांमध्ये न्यायालयाने त्याला दोषी ठरविले आहे. तसेच पोलिसांनी प्रतिबंधात्मक कारवाई म्हणून सीआरपीसी/भारतीय नागरिक सुरक्षा संहितेंतर्गत १२ गुन्हे दाखल केले आहेत.