रायबाग : रायबाग स्टेशन परिसरात रिक्षा व दुचाकी यांच्यात झालेल्या भीषण अपघातात तिघांचा जागीच मृत्यू झाल्याची घटना घडली. 9 महिन्यांचा चिमुकला गंभीर जखमी झाला असून त्याच्यावर खासगी रुग्णालयात उपचार सुरू आहेत.
महांतेश अशोक माने (वय २७), साक्षी महांतेश माने (२३) हे दाम्पत्य व त्यांचा मुलगा समर्थ महांतेश माने (९) यांचा या अपघातात मृत्यू झाला. चेतन महांतेश माने (९ महिने) हा गंभीर जखमी झाला आहे.
महांतेश माने कुटुंबासह बोमनाळहून रायबागकडे दुचाकीने जात असताना रायबागहून हारुगेरीकडे जाणाऱ्या मालवाहू रिक्षाची दुचाकीला जोरदार धडक बसली यामध्ये तिघांचा मृत्यू झाला तर नऊ महिन्यांचे बालक गंभीर जखमी झाले. अपघातानंतर रिक्षाचालक घटनास्थळावरून फरार झाला आहे. घटनेची नोंद रायबाग पोलिस ठाण्यात झाली असून सीपीआय व पोलिस कर्मचारी पुढील तपास करीत आहेत.
