Belagavi vehicle theft: चोरीच्या पाच दुचाकींसह चोरट्याला अटक

बेळगाव : चोरीच्या पाच दुचाकींसह चोरट्याला अटक करण्यात हिरेबागेवाडी पोलिसांना यश आले आहे. लक्ष्मण विरुपाक्षी कणबर्गी (वय ३१, रा. एम. मल्लापूर रोड, गोकाक) असे संशयिताचे नाव आहे.

सदर तरुणाने बेळगाव शहर व जिल्ह्यातील काही ठिकाणांहून दुचाकी चोरल्याचे स्पष्ट झाले आहे. त्याला पोलिसांनी संशयावरून ताब्यात घेऊन चौकशी केली असता त्याने दुचाकी चोरीची कबुली दिली. त्याच्याकडून पाच दुचाकी जप्त केल्या असून त्याची किंमत २ लाख ५५ हजार रुपये होते. हिरेबागेवाडीचे पोलिस निरीक्षक एस. के. होळेण्णावर, उपनिरीक्षक अविनाश यरगोप्प, उपनिरीक्षक बी. के. मीटगार व त्यांच्या सहकाऱ्यांनी ही कारवाई केली.