Belgaum Heroin seized: नऊ लाखांचे हेरॉईन जप्त

बेळगाव : शहरात एकाकडून ९ लाख रुपये किमतीचे ४५ ग्रॅम हेरॉईन जप्त करत एकाला अटक केली. राघवेंद्र गोपाल मुर्कटनाळ (वय ३६, रा. गंगानगर, शिंदोळी, ता. बेळगाव) असे संशयिताचे नाव आहे.

सदर तरुण शहरातील केएसआरटीसी जुने पार्किंग परिसरात अमली पदार्थ विकत असल्याची माहिती सीसीबीचे निरीक्षक मंजुनाथ नाईक मिळाली. त्यांनी सहकाऱ्यांसह जाऊन छापा टाकला असता त्याच्याकडे तब्बल ४५.१८ ग्रॅम हेरॉईन आढळून आले.

सध्याच्या बाजारभावानुसार याची किंमत ९ लाख रुपये होते. त्याच्याकडून हेरॉईन व ५०० रु. किमतीचा मोबाईल जप्त केला. या कारवाईत उपनिरीक्षक मंजुनाथ बजंत्री यांच्यासह अन्य सहकाऱ्यांनी भाग घेतला.