Asit Banage
निरोगी शरीरासाठी आवश्यक असलेल्या अनेक पोषक तत्त्वांपैकी 'झिंक' म्हणजेच जस्त हे खनिज अत्यंत महत्त्वाचे आहे.
शरीरातील पेशींचे नुकसान टाळण्यासाठी झिंक एका 'अँटीऑक्सिडंट' प्रमाणे कार्य करते.
विशेषतः त्वचेचे आरोग्य आणि पचनसंस्था उत्तम ठेवण्यासाठी झिंकची भूमिका मोलाची असते.
तज्ज्ञांच्या मते, झिंक शरीरातील ऊतींच्या दुरुस्तीसाठी ओळखले जाते.
ते त्वचा मऊ ठेवण्यास मदत करते आणि शरीराची रोगप्रतिकारक शक्ती वाढवते.
जर शरीरात झिंकची कमतरता निर्माण झाली, तर संसर्गाचा धोका मोठ्या प्रमाणात वाढतो.
भोपळ्याच्या बिया, तीळ, मोहरी, नाचणी, मशरूम, दही, शेंगदाणे, अंडी आणि मांस यांमधून शरीराला चांगले झिंक मिळते.
मुलांच्या शरीरात झिंक कमी असल्यास त्यांची शारीरिक वाढ थांबते. झिंकच्या कमतरतेचा परिणाम मानसिक स्थितीवरही होऊ शकतो.