पुढारी वृत्तसेवा
पूर्वी पारंपरिक नावांना पसंती होती. आता मात्र आई-वडील आपल्या मुलांसाठी युनिक, आधुनिक आणि लक्षात राहतील अशी नावं शोधत आहेत.
आजच्या पालकांना आपल्या मुलाचं नाव शाळा, कॉलेज किंवा समाजात इतरांपेक्षा वेगळं असावं असं वाटतं. म्हणून युनिक नाव ठेवली जात आहेत.
अनेक पालक आपल्या नावातील अक्षरे एकत्र करून मुलाचं नवीन नाव तयार करतात. त्यामुळे नाव कुटुंबाशी जोडलेलं वाटतं.
इंटरनेट, चित्रपट आणि सोशल मीडियामुळे इंग्रजी, स्पॅनिश किंवा इतर भाषांतील नावांचा प्रभाव वाढला आहे. त्यामुळे आधुनिक वाटणाऱ्या नावांना पसंती मिळते.
आज अनेक पालक नावाचा अर्थ पाहण्यापेक्षा ते ऐकायला स्टायलिश आणि आकर्षक वाटतं का, याला जास्त महत्त्व देतात.
'ज्ञानेश्वर', 'पंढरीनाथ' यांसारख्या मोठ्या नावांऐवजी 'कियान', 'अयांश', 'शनाया', 'कियारा' अशी छोटी आणि सोपी नावं अधिक लोकप्रिय झाली आहेत.
भविष्यात ई-मेल आयडी, इंस्टाग्राम, यूट्यूब किंवा वेबसाईटसाठी नाव सहज उपलब्ध व्हावं, याचाही अनेक पालक विचार करतात.
पूर्वीच्या पिढीला काही नावं अनोखी किंवा विचित्र वाटतात. पण नव्या पिढीसाठी तीच नावं आधुनिक आणि ट्रेंडिंग असतात.
नाव युनिक असलं तरी त्याचा अर्थ चांगला, योग्य उच्चार आणि आयुष्यभर सहज वापरता येईल, याकडे लक्ष देणं तितकंच महत्त्वाचं आहे.