पुढारी वृत्तसेवा
जगभरातील आंदोलनांमध्ये दिसणाऱ्या या चेहऱ्यामागची खरी कहाणी जाणून घ्या.
अर्नेस्टो "चे" गव्हेरा यांचा जन्म 14 जून 1928 रोजी अर्जेंटिनामध्ये झाला. ते व्यवसायाने डॉक्टर होते, पण पुढे क्रांतिकारक म्हणून जगभर प्रसिद्ध झाले.
लॅटिन अमेरिकेतील गरिबी, विषमता आणि दडपशाही जवळून पाहिल्यानंतर त्यांनी वैद्यकीय व्यवसाय सोडून सामाजिक आणि राजकीय बदलासाठी संघर्षाचा मार्ग स्वीकारला.
चे गव्हेरा यांनी फिडेल कॅस्ट्रो यांच्यासोबत क्युबातील फुलगेन्सियो बातिस्ता यांच्या हुकूमशाहीविरुद्ध लढा दिला. 1959 मधील क्युबन क्रांतीत त्यांची महत्त्वाची भूमिका होती.
चे गव्हेरा हे भांडवलशाही, साम्राज्यवाद आणि सामाजिक अन्यायाविरोधात ठाम भूमिका घेणारे नेते म्हणून ओळखले जातात. त्यांच्या विचारांचा प्रभाव अनेक चळवळींवर पडला.
अनेक आंदोलनांमध्ये चे गव्हेराचा फोटो हा अन्यायाविरोधातील संघर्ष, बंडखोरी आणि बदलाची इच्छा यांचे प्रतीक म्हणून वापरला जातो.
बेरे टोपी घातलेल्या चे गव्हेरांचा फोटो जगातील सर्वाधिक प्रसिद्ध राजकीय फोटोंपैकी एक मानला जातो. हा फोटो अनेक पोस्टर, बॅनर आणि टी-शर्टवर दिसतो.
नाही. काही जण त्यांना क्रांतीचे प्रेरणास्थान मानतात, तर काही इतिहासकार त्यांच्या हिंसक क्रांतीच्या पद्धती आणि भूमिकेवर टीका करतात. त्यामुळे त्यांच्याबद्दल मतभेदही आहेत.
9 ऑक्टोबर 1967 रोजी बोलिव्हियामध्ये चे गव्हेरांचा मृत्यू झाला. मात्र त्यांच्या प्रतिमेचा आणि विचारांचा प्रभाव आजही अनेक देशांतील आंदोलनांमध्ये दिसून येतो.