Rahul Shelke
चहा सोबत बिस्किट सगळ्यांना आवडतं… पण हे छिद्रं फक्त डिझाइनसाठी असतात का?
बर्याच लोकांना वाटतं, ही छिद्रं फक्त डेकोरेशनसाठी दिली जातात. पण खरं कारण वेगळंच आहे.
मैदा/पीठ + साखर + बटर + पाणी + इतर घटक एकत्र केले जातात. मग ते ओव्हनमध्ये बेक केलं जातं.
ओव्हनच्या उष्णतेमुळे पीठातलं पाणी वाफेत बदलतं. तसंच पीठात अडकलेली हवा फुगते. म्हणजे आतून दबाव वाढतो.
वाफ बाहेर पडली नाही तर, बिस्किट फुगू शकतं आणि आकार बिघडू शकतो
बिस्किट बनवताना पीठावर छोटे छिद्र पाडले जातात. यांना म्हणतात Docking Holes. त्यांचं काम म्हणजे वाफेला बाहेर जाण्याचा मार्ग देणं.
छिद्रांमुळे वाफ आणि हवा व्यवस्थित बाहेर पडते, बिस्किट एकसमान बेक होतात आणि आतूनही नीट शिजतं.
साधी, क्रीम बिस्किटं क्रिस्प आणि फ्लॅट हवी असतात. छिद्रांमुळे तो परफेक्ट क्रंच मिळतो!
मोठ्या उत्पादनात कन्सिस्टन्सी महत्त्वाची असते. छिद्रांमुळे बिस्किटं वाकडी होत नाहीत, फुगत नाहीत आणि एकसारखी दिसतात.
सॉफ्ट, केकी, च्युई प्रकारच्या बिस्किटांना अशी छिद्रं कधी कधी लागत नाहीत. रेसिपी आणि टेक्स्चरनुसार फरक पडतो