पुढारी वृत्तसेवा
आज (7 फेब्रुवारी) रमाबाई आंबेडकर यांची जयंती. पण तुम्हाला माहिती आहे का, बाबासाहेब त्यांना कोणत्या नावाने हाक मारायचे?
बाबासाहेब आपल्या पत्नी रमाबाई आंबेडकर यांना प्रेमानं ‘रामू’ म्हणायचे. त्यांच्या पत्रांमध्येही रमाईंचा उल्लेख ‘रामू’ असाच आढळतो.
इतिहासाच्या पानांमध्ये रमाबाईंविषयी फारसं लिखाण आढळत नाही. लेखक ज.वि. पवार यांनी एका मुलाखतीत, त्या काळातील सामाजिक मानसिकतेमुळे महिलांचं योगदान दुर्लक्षित राहिलं असं सांगितलं आहे.
घर, मुलं, आजारपण, आर्थिक अडचणी हे सगळं सांभाळत रमाईंनी बाबासाहेबांच्या शिक्षणासाठी आणि संघर्षासाठी स्वतःला झोकून दिलं.
बाबासाहेब आणि रमाई यांच्यातील पत्रव्यवहारातून त्यांचं प्रेम, आपुलकी आणि एकमेकांवरील विश्वास दिसतो.
मुलांचा मृत्यू, गरिबी, समाजाचा विरोध, हे सगळं रमाईंनी मुकाट्याने सहन केलं.
बाबासाहेबांसाठी त्या ‘रामू’ होत्या… पण पुढे त्या आंबेडकरी जनतेच्या आणि महाराष्ट्राच्या ‘रमाई’ बनल्या.
बाबासाहेबांनी कोट्यवधी लोकांना शिक्षणाची प्रेरणा दिली, पण त्या शिक्षणामागे उभी होती रमाबाईंची त्यागमूर्ती सावली.
आज रमाबाई आंबेडकर यांच्या जयंतीनिमित्त विनम्र अभिवादन ज्यांनी बाबासाहेबांच्या विचारांना बळ दिलं.