Anirudha Sankpal
पाण्यात राहणाऱ्या हिप्पोच्या अर्थात पाणघोड्याची अनेक अजब वैशिष्ठे आहेत. मात्र मादीला आकर्षित करताना हिप्पो जे काही करतो ते वाचून तुम्ही नाक मुरडाल.
अनेक प्राणी त्यांच्या जातकुळीतील मादीला आकर्षित करण्यासाठी वेगवेगळे आवाज काढणे, दुसऱ्या नरासोबत भांडण करणे असे किरकोळ प्रकार करत असतात.
मात्र हिप्पो हा मादीला आकर्षित करण्यासाठी आपल्या शेणाचा अन् शेपटीचा वापर करतो. नर हिप्पो शौच करताना आपली इवलीशी शेटपी पंख्यासारखी गरागरा फिरवतो.
यामुळे हिप्पोचं शेण आणि मूत्र हे आसपासच्या परिसरात पसरते. याच्या वासावरून मादी हिप्पोला नराचे वय, त्याच्या आरोग्याची माहिती मिळते.
हिप्पो मादी हिप्पोला आर्षित करण्यासाठी जांभई देणे, दात दाखवणे यासारखे प्रकार देखील करतो. याद्वारे तो तिचे आणि पिलाचे संरक्षण करण्यासाठी किती किती सक्षम दात हे फ्लेक्स करत असतो.
हिप्पो पाण्यात आवाज काढणे तुषार फवारणे असे देखील प्रकार करतो. पाण्यात असताना नर मोठ्याने गुरगुरतो त्याला Wheeze-Honk असे देखील म्हणतात.
हिप्पो असले पाण्यातील चाळे मादीला आकर्षित करण्यासाठी आणि तिचे लक्ष वेधण्यासाठी करतो. जणू काही तो एक प्रकारे शिळ घालत असतो.
मादीचा विषय आलाय अन् भांडण होणार नाही असं कसं होईल... हिप्पोला देखील आपली मादी मिळवण्यासाठी दुसऱ्या नर हिप्पोला फिल्मी स्टाईलने लोळवावं लागतंच.
जो जिता वही सिकंदर म्हणतात ना तसं या भांडणात जो जिंकते तो इलाक्याचा अन् त्यातील मादीचा देखील सिकंदर होतो. नर मादी हिप्पोची मिलनाची प्रक्रिया पाण्यात पार पडते.