पावसाळ्यात घरात कुबट, दमट वास येतोय ? 'या' खास टीप्सने घर होईल सुगंधी

पावसाळ्यात घरामध्ये येणारा कुबट वास खूप त्रासदायक ठरू शकतो, पण काळजी करू नका, या खास टीप्सने तुमचे घर पुन्हा सुगंधी होईल!

खिडक्या उघड्या ठेवा

जेव्हा पाऊस थांबेल, तेव्हा घरातील सर्व खिडक्या आणि दरवाजे पूर्ण उघडा, जेणेकरून ताजी हवा खेळती राहील आणि दमटपणा कमी होईल.

वाळलेले कपडेच कपाटात ठेवा

पावसाळ्यात कपडे नीट न वाळल्यामुळे कुबट वास येतो. कपडे पूर्णपणे सुकले असतील तरच ते कपाटात ठेवा, अन्यथा वास पसरू शकतो.

कपाटात ठेवा लवंग किंवा कापूर

कपड्यांच्या कपाटात किंवा अडगळीच्या ठिकाणी लवंग, कापूर किंवा सुगंधी पोटली (Potpourri) ठेवा, यामुळे नैसर्गिक सुगंध टिकून राहील.

ओल्या जमिनीची स्वच्छता

घरातील फरशीवर पाणी साचू देऊ नका. फरशी पुसताना पाण्यात थोडे 'डिटॉल' किंवा 'व्हिनेगर' टाकल्याने जंतू आणि कुबट वास नाहीसा होतो.

घरातील ओलावा शोषून घ्या

घरातील दमटपणा कमी करण्यासाठी एका भांड्यात थोडे खडे मीठ (Rock Salt) भरून कोपऱ्यात ठेवा. मीठ घरातील अतिरिक्त ओलावा शोषून घेते.

सुगंधी अगरबत्ती किंवा डिफ्यूझर

संध्याकाळच्या वेळी घरात लेमनग्रास किंवा लॅव्हेंडर ऑइलचा डिफ्यूझर वापरा, यामुळे घरातील वातावरण फ्रेश आणि प्रसन्न राहील.

वाळलेल्या फुलांचा वापर

घरात वाळलेल्या फुलांच्या पाकळ्या किंवा सुगंधी मेणबत्त्या (Scented Candles) लावल्याने घराचा कुबट वास निघून जाऊन घर सुगंधी होईल.