पुढारी वृत्तसेवा
स्वयंपाकासाठी कोणता पर्याय स्वस्त? संपूर्ण खर्चाचं गणित जाणून घ्या.
मध्य-पूर्वेत सुरू असलेल्या भू-राजकीय तणावाचा परिणाम आता सर्वसामान्यांच्या स्वयंपाकघरावरही दिसू लागला आहे.
गॅसच्या संभाव्य टंचाईच्या बातम्यांमुळे अनेक ग्राहक पर्याय शोधत आहेत. यामुळे इलेक्ट्रिक इंडक्शन कुकटॉपची मागणी अचानक वाढली आहे.
दिल्ली, मुंबई, पुणे, चेन्नई आणि कोलकाता यांसारख्या शहरांमध्ये इंडक्शन कुकटॉपची विक्री झपाट्याने वाढली. काही ठिकाणी दुकानदारांकडचे इंडक्शन स्टॉक संपले आहेत.
गॅसवर स्वयंपाक करताना निर्माण होणारी जवळपास 60% उष्णता वाया जाते. म्हणजेच तुम्ही गॅससाठी दिलेल्या पैशांपैकी फक्त 40% ऊर्जा वापरता.
इंडक्शन कुकटॉप चुंबकीय क्षेत्राच्या मदतीने थेट भांड्यात उष्णता निर्माण करतो. यामुळे ऊर्जा कमी वाया जाते आणि त्याची कार्यक्षमता सुमारे 90% असते.
शहरात 14.2 किलोचा LPG सिलेंडर साधारण ₹913 च्या आसपास आहे. काही ठिकाणी हा खर्च ₹1200 ते ₹1500 पर्यंतही जाऊ शकतो.
एका सिलेंडरइतकी ऊर्जा मिळवण्यासाठी इंडक्शनला सुमारे 78 युनिट वीज लागते. जर वीज दर ₹8 प्रति युनिट धरला तर महिन्याचा खर्च सुमारे ₹624 येतो.
गॅसच्या तुलनेत इंडक्शनवर स्वयंपाक केल्यास दरमहा सुमारे ₹300 पर्यंत बचत होऊ शकते.
इंडक्शन कुकटॉपची किंमत साधारण ₹2000 ते ₹4000 असते आणि त्यासाठी विशेष भांडी घ्यावी लागतात. तरीही इंडक्शन हा स्वयंपाकासाठी स्वस्त पर्याय आहे.