पुढारी वृत्तसेवा
रोज शॅम्पू करावा की नाही?
केसांची काळजी घेताना हा प्रश्न अनेकांना पडतो. रोज शॅम्पू केल्याने केस खराब होतात, अशी अनेकांची समजूत आहे. पण हेअर एक्सपर्ट जावेद हबीब यांचे मत वेगळे आहे.
जावेद हबीब म्हणतात, रोज केस धुवा!
जावेद हबीब यांच्या मते केस आणि स्कॅल्प स्वच्छ ठेवणे सर्वात महत्त्वाचे आहे. त्यामुळे गरज असेल तर रोज केस धुण्यास घाबरू नका. स्कॅल्पची स्वच्छता केसांच्या आरोग्यासाठी महत्त्वाची आहे.
स्कॅल्पवर रोज काय जमा होतं?
धूळ, घाम आणि तेल स्कॅल्पवर जमा होते. प्रदूषणामुळेही केसांवर घाण बसते. ही घाण जास्त काळ राहिल्यास स्कॅल्पवर परिणाम होऊ शकतो.
रोज शॅम्पू केल्याने केस गळतात?
रोज केस धुतल्यामुळेच केस गळतात, असे सरसकट म्हणता येत नाही. केसांची गरज आणि स्कॅल्पची स्थिती महत्त्वाची आहे. म्हणून फक्त केस गळतील या भीतीने केस धुणे टाळू नका.
केस स्वच्छ ठेवणं का गरजेचं?
आपण रोज दात आणि चेहरा स्वच्छ करतो. मग स्कॅल्प स्वच्छ ठेवण्याकडे दुर्लक्ष का करायचे?जावेद हबीब यांनी याच गोष्टीवर भर दिला आहे.
महागडा शॅम्पू हवाच असं नाही!
केस धुण्यासाठी महागडा शॅम्पू आवश्यक नाही. तुम्ही नेहमी वापरत असलेला शॅम्पू वापरू शकता. मात्र शॅम्पूची मात्रा योग्य असणे महत्त्वाचे आहे.
तेल लावण्याची पद्धतही खास!
जावेद हबीब यांनी तेल लावण्याची वेगळी पद्धत सांगितली आहे. त्यांच्या मते आधी केस चांगले ओले करा. त्यानंतर केसांना तेल लावा.
कोणतं तेल वापरावं?
तेलासाठी महागडे प्रोडक्ट घेण्याची गरज नाही. घरात असलेले सामान्य तेलही वापरता येते.
तेल किती वेळ ठेवायचं?
केस ओले केल्यानंतर तेल लावा. केस लांब असतील तर हलक्या हाताने कंगवा फिरवा. त्यानंतर साधारण ५ मिनिटांनी केस धुवा.
केसांसाठी एकच मंत्र लक्षात ठेवा!
केस किती वेळा धुवायचे हे स्कॅल्पच्या गरजेनुसार ठरवा. धूळ, घाम आणि तेल जास्त असेल तर स्वच्छता महत्त्वाची आहे. रोज शॅम्पू करण्याची भीती न बाळगता केस आणि स्कॅल्पची योग्य काळजी घ्या.