पुढारी वृत्तसेवा
केळी खरेदी करताना या 5 गोष्टी नक्की तपासा.
केळी साधारणपणे हिरवी तोडली जातात आणि त्याची वाहतूक केली जाते. लवकर पिकवण्यासाठी काही व्यापारी रसायनांचा वापर करतात.
कॅल्शियम कार्बाइडसारख्या रसायनांचा वापर करून केळी पिवळी केली जातात. मात्र अशा केळ्यांचा रंग बदलतो, पण आतून ती पूर्ण पिकत नाहीत.
नैसर्गिक पिकलेल्या केळ्यांवर छोटे तपकिरी ठिपके दिसतात. रसायनांनी पिकवलेली केळी एकसारखी आणि चमकदार पिवळी दिसतात.
नैसर्गिक केळ्याची साल थोडी मऊ आणि नैसर्गिक दिसते. रसायनांनी पिकवलेल्या केळ्याची साल जास्त गुळगुळीत किंवा मेणासारखी वाटते.
पिकलेल्या केळ्यांना गोड आणि हलका सुगंध असतो. रसायनांनी पिकवलेल्या केळ्यांचा वास विचित्र असतो.
नैसर्गिक केळ्याचा देठ थोडा सुकलेला असतो. रसायनांनी पिकलेल्या केळ्याचा देठ हिरवा आणि ताजा दिसतो.
नैसर्गिक केळी आतून मऊ असतात. रसायनांनी पिकलेली केळी कधी कधी कोरडी किंवा कडक असतात.
अशा केळ्यांमुळे काही लोकांना अॅसिडिटी, पोट फुगणे किंवा घशाचा त्रास होऊ शकतो.
थोडी हिरवी केळी खरेदी करून घरीच पिकू द्या. सफरचंदासोबत ठेवल्यास केळी नैसर्गिकरीत्या लवकर पिकतात.