पुढारी वृत्तसेवा
अतिसाखर, भरपूर चरबीयुक्त दूध असलेला चहा आरोग्यासाठी घातक ठरू शकतो.
चहातील आरोग्यास अपायकारक घटक शरीरात पित्त वाढवू शकतात आणि लोह (Iron) शोषून घेण्याच्या प्रक्रियेत अडथळा आणू शकतात.
आपल्या रोजच्या चहा बनवण्याच्या पद्धतीत थोडेसे बदल करून तो आरोग्यासाठी अतिशय लाभदायक बनवता येतो.
चहामधील साखरेचे प्रमाण हळूहळू कमी करा आणि साखरेऐवजी सेंद्रिय गुळाचा (Organic Jaggery) वापर करा.
कॅलरी आणि सॅच्युरेटेड फॅट कमी करण्यासाठी टोंड दूध, बदामाचे दूध किंवा ओट्सच्या दुधाचा पर्याय निवडा. हा पर्याय पचनासाठीही उत्तम ठरेल.
चहाची पाने जास्त वेळ उकळल्यास त्यात 'टॅनिन'चे प्रमाण वाढते; ज्यामुळे चहा कडू होतो आणि पोटाला त्रास होऊ शकतो.
चहात तुळस किंवा लवंग घातल्यास तुमची रोगप्रतिकारशक्ती (Immunity) वाढते आणि घशालाही आराम मिळतो.
चहाची चव उत्तम राहण्यासाठी आणि सहज पचन व्हावे म्हणून तो फक्त २ ते ३ मिनिटेच उकळा.
चहा पुन्हा-पुन्हा गरम केल्याने त्यातील महत्त्वाचे अँटीऑक्सिडंट्स नष्ट होतात आणि कॅफिनचे प्रमाण वाढते.
जास्तीत जास्त आरोग्यदायी फायदे मिळवण्यासाठी नेहमी ताज्या आणि एकाच वेळी बनवलेल्या चहाचेच सेवन करा.
चहासोबत तळलेले चटपटीत पदार्थ खाण्याऐवजी ड्रायफ्रूट्स (सुका मेवा) किंवा होल ग्रेन (अख्ख्या धान्याचे) बिस्किट्स यांसारखे हेल्दी पर्याय निवडा.