पुढारी डिजिटल टीम
ब्लू-ग्रीन साडीतील एका व्हिडिओ क्लिपने सोशल मीडियावर धुमाकूळ घातला आणि गिरीजा ओक क्षणात 'इंटरनेट क्रश' बनली. नेटिझन्स तिला 'इंडियाची Monica Bellucci' म्हणू लागले.
लल्लनटॉपच्या इंटरव्ह्यूमधील एक व्हिडिओ ज्यात फिजिक्सच्या “transverse babes, longitudinal babes” किस्स्यावर गिरीजाने सांगितलेली गोष्ट क्षणात ट्रेंड झाली.
सोशल मीडियावर तिच्या करिष्म्याची चर्चा आहे. सौंदर्य, सहज बोलण्याची शैली, आणि एलिगंट लुक या तीन गोष्टींनी देशभरातील नेटिझन्स तिच्यावर फिदा झाले.
ट्रोल्स, फॅन पेजेस हे सगळं पाहून गिरीजा म्हणाली, “हे ट्रेंड येतात आणि जातात. माझं काम मात्र कायम राहणार आहे.”
मराठी नेटिझन्सनी प्रतिक्रिया दिली की “तुम्ही आता पाहिलंय तिला? आम्ही तिला अनेक वर्षांपासून ओळखतो”
गिरीजाचा जन्म 27 डिसेंबर 1987 रोजी नागपूरमध्ये झाला. तिचे वडील ज्येष्ठ अभिनेता गिरीश ओक आणि आई पद्मश्री फाटक आहेत. तिने बायोटेक्नोलॉजीमध्ये पदवी घेतली आहे. तिचे पती दिग्दर्शक सुहृद गोडबोले आहेत.
थिएटर वर्कशॉप्स, बिझनेस मॅनेजमेंट कोर्स आणि मग अभिनय असा तिचा प्रवास आहे. ती मराठी, हिंदी आणि कन्नड सिनेमांमध्ये काम करणाऱ्या अभिनेत्रींपैकी एक आहे.
तिने मराठीमध्ये गुलमोहर, लज्जा, नवरा माझा भवरा या चित्रपटात काम केलं आहे तर हिंदीत तिने Taare Zameen Par, Shor in the City, Jawan चित्रपटात काम केलं आहे.
इंस्टाग्रामवर तिचे गेल्या 30 दिवसांत 2,13,990 फॉलोअर वाढले आहेत. इंस्टाग्रामवर तिचे 7,52,026 फॉलोअर्स आहेत.