पुढारी वृत्तसेवा
केळीतील पोटॅशियम हृदयाचे आरोग्य चांगले ठेवण्यास, रक्तदाब नियंत्रित ठेवण्यास आणि स्नायूंचे कार्य सुरळीत ठेवण्यास मदत करते
केळ्यामधील नैसर्गिक साखर आणि कार्बोहायड्रेट्स शरीराला ऊर्जा देतात. त्यामुळे नाश्त्यासाठी किंवा व्यायामापूर्वी खाण्यासाठी केळी हा उत्तम पर्याय आहे
केळ्यामध्ये असलेले जीवनसत्त्व बी-६ मेंदूच्या आरोग्यासाठी उपयुक्त असते, सेरोटोनिनच्या निर्मितीस चालना देऊन मनःस्थिती सुधारण्यास मदत करते
केळीत अँटिऑक्सिडंट्स मुबलक प्रमाणात असल्याने पेशींचे ऑक्सिडेटिव्ह ताणापासून संरक्षण होते आणि शरीरातील पाण्याचे संतुलन राखण्यास मदत मिळते
केळीमध्ये कार्बोहायड्रेट्स, आहारातील तंतू, प्रथिने, पॉलीअनसॅच्युरेटेड फॅटी अॅसिड्स, पोटॅशियम, कॅरोटेनॉइड्स आदी घटक असतात
फ्लॅव्होनॉइड्स, जीवनसत्त्व सी व ई, फायटोस्टेरॉल्स, गॅलोकॅटेचिन, कॅटेचिन आणि इतर पॉलीफेनॉल्स मोठ्या प्रमाणात आढळतात
वरील घटक प्रभावी अँटिऑक्सिडंट असून धमन्यांमध्ये चरबी साचण्याचा धोका कमी करण्यास आणि हृदयविकारांपासून संरक्षण करण्यास मदत करतात
केळ्यामध्ये २.६ ते ३ ग्रॅम फायबर असल्याने बद्धकोष्ठतेचा त्रास कमी होण्यास, आतड्यांतील उपयुक्त जीवाणूंची वाढ होण्यास आणि पचनसंस्था निरोगी राहण्यास मदत मिळते
दररोज एक केळे खाल्ल्यास शरीराला नियमित पोटॅशियम मिळते. रक्तदाब, स्नायू व मज्जासंस्थेचे कार्य सुरळीत राहण्यास मदत होते