पुढारी वृत्तसेवा
रोजच्या आहारातला डाळ-भात शरीराला नक्की काय फायदे देतो? जाणून घ्या वैज्ञानिक कारणे...
तांदळात 'मेथिओनाईन' (Methionine) तर डाळीमध्ये 'लायसीन' (Lysine) असते. पोषणतज्ज्ञांनुसार, दोन्ही एकत्र खाल्ल्यास शरीराला परिपूर्ण प्रोटीन मिळते.
आजारपण असो किंवा दैनंदिन जीवन, डाळ-भात पचायला अत्यंत सोपा असतो. यामुळे आतड्यांचे आरोग्य (Gut Health) उत्तम राहते आणि पचनसंस्थेवर ताण येत नाही.
तांदळात GI(ग्लायसेमिक इंडेक्स) जास्त असतो. मात्र, प्रोटीन्सने समृद्ध डाळ आणि तूप मिसळल्यास त्याचा GI कमी होतो, ज्यामुळे रक्तातील साखर वेगाने वाढत नाही.
डाळ-भातातील कॉम्पलेक्स कार्बोहायड्रेट्स आणि फायबरमुळे पोट दीर्घकाळ भरलेले राहते. यामुळे अनावश्यक भूक (Craving) कमी होऊन वजन नियंत्रणात राहते.
डाळ-भातावर शुद्ध तूप घातल्यास तुपातील फॅट-सोल्युबल व्हिटॅमिन्स (A, D, E, K) शरीरात सहज शोषले जातात.
डाळ-भातातून शरीराला फॉलिक ॲसिड, आयर्न, झिंक आणि व्हिटॅमिन 'बी' मुबलक प्रमाणात मिळते, जे दिवसभर टिकून राहणारी ऊर्जा प्रदान करते.
डाळीतील अँटी-ऑक्सिडंट्स आणि जिरे, हळद, लसूण यांच्या फोडणीमुळे शरीराची रोगप्रतिकारशक्ती बळकट होण्यास मदत होते.
अनेक लोकसंख्याविषयक अभ्यासांमध्ये नियमितपणे कडधान्यांचे सेवन करणाऱ्या लोकांमध्ये हृदयविकार आणि अकाली मृत्यूचा धोका कमी असल्याचे आढळले आहे.