'हे' आजार असलेल्या लोकांनी चुकूनही खाऊ नका 'आवळा'

आरोग्यासाठी फायदेशीर तरीही...

आवळा व्हिटॅमिन सी आणि अँटी-ऑक्सिडंट्सचा खजिना आहे, पण काही विशिष्ट आजारांमध्ये याचे सेवन आरोग्यास हानिकारक ठरू शकते.

हायपरॲसिडिटीची समस्या

जर तुम्हाला वारंवार ॲसिडिटी किंवा छातीत जळजळ होत असेल, तर आवळा खाणे टाळा. यातील आम्लधर्मीय (Acidic) गुणधर्मामुळे त्रास वाढू शकतो.

कमी रक्तातील साखर (Low Blood Sugar)

मधुमेहाच्या ज्या रुग्णांची शुगर सतत कमी होते, त्यांनी आवळा जपून खावा. आवळा रक्तातील साखरेची पातळी आणखी कमी करू शकतो.

किडनीचे आजार

किडनीशी संबंधित समस्या असल्यास डॉक्टरांच्या सल्ल्याशिवाय आवळा खाऊ नका, कारण यामुळे शरीरातील पाण्याचे प्रमाण आणि क्रिएटिनिन पातळीवर परिणाम होऊ शकतो.

सर्दी आणि खोकला

आवळ्याची प्रकृती 'थंड' असते. त्यामुळे जर तुम्हाला आधीच सर्दी, खोकला किंवा सायनसचा त्रास असेल, तर आवळा खाल्ल्याने समस्या बळावू शकते.

शस्त्रक्रिया होणार असल्यास

जर तुमची कोणतीही शस्त्रक्रिया (Surgery) होणार असेल, तर किमान २ आठवडे आधी आवळा खाणे बंद करा. यामुळे रक्तस्त्रावाचा धोका वाढण्याची शक्यता असते.

रक्त पातळ होण्याची समस्या

ज्या लोकांना रक्ताचे विकार आहेत किंवा जे रक्त पातळ होण्याची औषधे घेत आहेत, त्यांनी आवळा खाणे टाळावे, कारण तो नैसर्गिकरित्या रक्त पातळ करतो.

डिहायड्रेशनचा धोका

आवळ्यामध्ये लघवीचे प्रमाण वाढवणारे गुणधर्म असतात. त्यामुळे शरीरात पाण्याची कमतरता असल्यास आवळा खाल्ल्याने डिहायड्रेशनचा त्रास होऊ शकतो.