पुढारी वृत्तसेवा
जेवण केल्यानंतर लगेच झोपल्यास अन्नाचे पचन मंदावते. पोटातील आम्ल अन्ननलिकेत येऊन अॅसिडिटी किंवा छातीत जळजळ होऊ शकते
जेवणानंतर सिगारेट ओढणे अधिक हानिकारक ठरू शकते. यामुळे पचनावर परिणाम होण्याबरोबरच हृदयविकार आणि कर्करोगाचा धोकाही वाढू शकतो
जेवणानंतर फळे लगेच खाण्यापेक्षा जेवणाच्या १ ते २ तास आधी किंवा नंतर खाणे अधिक फायदेशीर ठरते, काही लोकांमध्ये यामुळे पोट फुगणे किंवा गॅस होऊ शकतो
जेवणानंतर थोडे पाणी पिणे ठीक असले तरी एकदम खूप पाणी पिणे काही लोकांमध्ये अस्वस्थता निर्माण करू शकते. तहान लागल्यास थोड्या प्रमाणात पाणी प्यावे
चहा आणि कॉफीतील काही घटक अन्नातील लोह (Iron) शोषण्यावर परिणाम करू शकतात. त्यामुळे जेवणानंतर किमान १ तासाने चहा किंवा कॉफी घेणे योग्य ठरते
जेवणानंतर लगेच धावणे, जिम करणे किंवा व्यायाम केल्यास पचनावर परिणाम होऊ शकतो. हलके चालणे मात्र फायदेशीर ठरते
जेवणानंतर लगेच आंघोळ केल्याने शरीरातील रक्तप्रवाह त्वचेकडे वाढतो. यामुळे काही लोकांमध्ये पचन प्रक्रिया मंदावण्याची शक्यता असते
जेवणानंतर लगेच जास्त प्रमाणात मिठाई किंवा साखरयुक्त पदार्थ खाल्ल्यास रक्तातील साखर झपाट्याने वाढू शकते
जेवणानंतर पोटावर दाब येईल असे घट्ट कपडे किंवा बेल्ट घालू नये, जेवण झाल्यानंतर काही मिनिटे शांत बसावे, त्यानंतर १०–१५ मिनिटे हलके चालावे