नंदू लटके
तापमानाचा पारा वाढल्यानंतर तुम्हाला थंड ठेवण्यासाठी पुढील टिप्स मदत करतील.
शरीरातील उष्णता नाडीच्या ठिकाणांहून वेगाने बाहेर पडते. तुमच्या मनगटावर ३० सेकंद थंड पाणी धरा आणि मानेच्या मागील भागावर ओल्या कापडाने शेक द्या.
तापमान ३२°C च्या वर असल्यास तासाला किमान एक ग्लास पाणी पिण्याचे लक्ष्य ठेवा.
पंख्यासमोर बर्फाचे भांडे किंवा गोठलेली पाण्याची बाटली ठेवा. समोरासमोरच्या खिडक्या उघडून एका बाजूने पंख्याची हवा बाहेर जाईल अशी रचना ठेवा .
सैल, फिकट रंगाचे आणि लांब बाह्यांचे कपडे घाला. घट्ट आणि सिंथेटिक कपड्यांमुळे उष्णता आणि घाम त्वचेपाशी साचून राहतो.
कलिंगड, काकडी, संत्री, दही आणि कोशिंबीर यांसारख्या पाण्याचे प्रमाण जास्त असलेल्या पदार्थांचे सेवन करा.
सूर्यप्रकाश येणाऱ्या खिडक्यांचे पडदे सकाळी १० वाजेपर्यंत बंद करा. काचेवर 'ब्लॅकआउट' पडदे लावल्याने खोलीचे तापमान काही अंशांनी कमी होऊ शकते.
घाम येणे थांबले, गोंधळल्यासारखे वाटू लागले किंवा त्वचा गरम आणि कोरडी पडली, तर हे 'हीट स्ट्रोक'चे (उष्माघात) लक्षण असू शकते. अशा वेळी त्वरित वैद्यकीय मदत घ्या.