रात्रीच्या वेळी कारले का खाऊ नये? सविस्तर माहिती जाणून घ्या

नवी दिल्ली : कारल्यामध्ये भरपूर पोषक असतात. त्यामध्ये फायबर, प्रोटिन, व्हिटॅमिन सी, कॅल्शियम, मॅग्नेशियम, पोटॅशियम आणि फॉस्फरस मोठ्या प्रमाणात आढळतात. याशिवाय कारल्यामध्ये कॅलरी आणि कार्ब्सदेखील आढळतात. बहुतेक लोक कारल्याची भाजी तयार करून खातात, तर काही लोक कारल्याचा रस तयार करून पितात. कारल्याचे सेवन केव्हाही केले जाऊ शकते; परंतु रात्रीच्या वेळी कारले न खाण्याचा सल्ला दिला जातो. रात्रीच्या वेळी कारले का खाऊ नये सविस्तर माहिती जाणून घ्या-

पचण्यास असमर्थ- रात्रीच्या वेळी कारले खाल्ल्याने ते नीट पचत नाही. त्यामुळे दिवसा फक्त कारले खाण्याचा सल्ला दिला जातो. कारले आम्लयुक्त असतो, त्यामुळे रात्री पचणे कठीण होते. रात्रीच्या वेळी आपली पचनसंस्था कमकुवत होते, त्यामुळे कडू कारले रात्री सहज पचत नाही. पचनक्रिया चांगली ठेवण्यासाठी रात्री हलके पदार्थ खावेत. पोटदुखी – रात्री कारले खाल्ल्याने पोटदुखीची तक्रार होऊ शकते. कारले रात्री सहज पचत नाही. त्यामुळे गॅस आणि अ‍ॅसिडिटी होऊ लागते. अशा स्थितीत पोटदुखी आणि पेटके येऊ शकतात.

शरीराचे तापमान वाढते – कारल्याचा गुणधर्म उष्ण असतो. अशात जर तुम्ही रात्री कारले खाल्ले तर तुमच्या शरीराचे तापमान वाढू शकते. शरीराचे तापमान वाढल्यामुळे तुम्हाला अ‍ॅलर्जी, त्वचेवर पुरळ येणे आणि फोड येणे इत्यादी समस्यांचा सामना करावा लागू शकतो. यासोबतच रात्री कारले खाल्ल्याने पोटात किंवा छातीत जळजळ होऊ शकते. वातदोष – रात्री कारले खाल्ल्याने शरीरातील वातदोष वाढू शकतो. शरीरात वातदोष वाढला की, अनेक प्रकाराचे आजार होऊ लागतात.

वायूची निर्मितीदेखील यापैकी एक आहे. त्यामुळे रात्रीच्या वेळी कारले खाल्ल्यास वायू तयार होऊन आंबट ढेकर येऊ शकते, असे म्हटले जाते. त्यामुळे रात्रीच्या वेळी कारले खाणे टाळावे. मुलांसाठी नुकसानदेह – रात्रीच्या वेळी कारले खाल्ल्याने मुलांना त्रास होऊ शकतो. रात्री कारले खाल्ल्याने मुलांना जुलाब आणि उलट्या होऊ शकतात. कारल्याच्या बियाही मुलांसाठी हानिकारक ठरू शकतात.