नवी दिल्ली : आपल्या शरीराला अनेक जीवनसत्त्वे, खनिजे यांची गरज असते. व्हिटॅमिन ए आपल्या शरीरासाठी अतिशय महत्त्वाचे आहे. द़ृष्टी, त्वचा, केस आणि रोगप्रतिकारक शक्ती चांगली ठेवण्यासाठी ते महत्त्वपूर्ण भूमिका बजावते. परंतु, शरीरात ‘अ’ जीवनसत्त्वाची कमतरता असल्यास अनेक प्रकारचे आजार होऊ शकतात. व्हिटॅमिन ए च्या कमतरतेमुळे होणारे आजार...
1. रातांधळेपणा : व्हिटॅमिन ए द़ृष्टीसाठी खूप महत्त्वाचे आहे. त्याच्या कमतरतेमुळे रात्रीच्या वेळी द़ृष्टी कमी होते आणि हळूहळू अंधत्व येऊ शकते.
2. कोरडे डोळे : व्हिटॅमिन ए डोळ्यांना ओलावा प्रदान करण्यास मदत करते. त्याच्या कमतरतेमुळे डोळे कोरडे आणि जळजळ होऊ शकते.
3. त्वचेशी संबंधित समस्या : व्हिटॅमिन ए त्वचा निरोगी ठेवण्यास मदत करते. त्याच्या कमतरतेमुळे त्वचा कोरडी, भेगा आणि निर्जीव होऊ शकते.
4. केस गळणे : केसांच्या वाढीसाठी आणि मजबुतीसाठी व्हिटॅमिन ए आवश्यक आहे. त्याच्या कमतरतेमुळे केस गळायला लागतात आणि कमकुवत होतात.
5. कमकुवत रोगप्रतिकारक प्रणाली : व्हिटॅमिन ए रोगप्रतिकारक शक्ती मजबूत करण्यास मदत करते. याच्या कमतरतेमुळे शरीर संसर्गाशी लढण्यात कमकुवत होते.
6. मुलांच्या विकासाच्या समस्या : मुलांच्या विकासासाठी व्हिटॅमिन ए खूप महत्त्वाचे आहे. त्याच्या कमतरतेमुळे मुलांची वाढ खुंटते आणि त्यांची हाडे कमकुवत होऊ शकतात.
पालक, मेथी आणि ब्रोकोली तसेच गाजर हे व्हिटॅमिन ए चा चांगला स्रोत आहे. रताळे, पिवळी मिरची, अंडी, दूध, मांस हेसुद्धा व्हिटॅमिन ए चा चांगला स्रोत आहेत. व्हिटॅमिन ए ची कमतरता टाळण्यासाठी आपल्या आहारात हिरव्या पालेभाज्या, गाजर, रताळे आणि इतर जीवनसत्त्व ए युक्त पदार्थांचा समावेश करा. तुमच्या डॉक्टरांचा सल्ला घेतल्यानंतर तुम्ही व्हिटॅमिन ए सप्लिमेंट घेऊ शकता. दररोज किमान 15 मिनिटे सूर्यप्रकाशात राहा. कारण, सूर्यप्रकाश शरीरात व्हिटॅमिन डी तयार करतो, जे व्हिटॅमिन ए शोषण्यास मदत करते.