लंडन : पाकिस्तान सरकारने दोनवेळा टिकटॉकवर बंदी घातली आणि हे अॅप परत सुरू सुद्धा केले. पाकिस्तान टेलिकम्युनिकेशन अॅथॉरिटीने या अॅपमधील कन्टेंटवर सेन्सॉर टाकण्याचा एक नवीन मार्ग शोधला आहे. ज्यामध्ये एखाद्याच्या अकाऊंटवर वैयक्तिकरीत्या बंदी घातली जाते. पीटीएच्या वतीने पॉर्नस्टार मिया खलिफाच्या अकाऊंटवर पाकिस्तानमध्ये बंदी घालण्यात आली आहे. पीटीएने कोणतीही अधिकृत घोषणा न करता मिया खलिफाच्या खात्यावर बंदी घातली. हे का केले गेले, याचे कारण सांगण्यात आले नाही. मिया खलिफाच्या चाहत्यांना तिचा कंन्टेट पाकिस्तानमध्ये पाहायला मिळाला नाही तेव्हा त्यांनी ट्विटरवर हा मुद्दा उपस्थित केला. मिया खलिफाला याबाबत माहिती मिळताच तिला धक्का बसला. मात्र, मिया खलिफाने पीटीएच्या या बंदीकडे लक्ष दिले नाही. तिने आपल्या एका ट्विटमध्ये म्हटले आहे की, माझे अकाऊंट पाकिस्तानमध्ये बॅन करण्यात आले असले तरी पाकिस्तानी चाहत्यांनी नाराज होऊ नये. मी आतापासूनच ट्विटरवर माझे सर्व टिकटॉक व्हिडीओ पोस्ट करत आहे. हे माझ्या पाकिस्तानी चाहत्यांसाठी आहे.