वॉशिंग्टनः शास्त्रज्ञांनी बेडकांच्या (टोड) तीन नवीन प्रजाती ओळखल्या आहेत, ज्या अंडी घालण्याऐवजी थेट लहान पिल्लांना म्हणजेच ‘टोडलेटस्’ना जन्म देतात. या तिन्ही प्रजाती ‘नेक्टोफ्रिनोइडस्’ या वंशाच्या आहेत, ज्याला ‘झाडावरील टोड’ (tree toads) म्हणूनही ओळखले जाते. या वंशातील बेडकांमध्ये डिंभक (tadpole) अवस्था वगळून थेट लहान बेडकांना जन्म देण्याची पद्धत आहे. या प्रजाती पूर्वी एकच मोठी संख्या आणि मोठ्या अधिवास क्षेत्र असलेली एक प्रजाती मानली जात होती. परंतु, आता या लहान आणि अधिक विखुरलेल्या प्रजातींसाठी अतिरिक्त संवर्धन उपायांची आवश्यकता असू शकते, असे संशोधकांनी एका नवीन अभ्यासात नमूद केले आहे.