फ्लोरिडा : स्पेसेक्सने फ्लोरिडाच्या स्पेस कोस्टवरून आपल्या स्टारलिंक इंटरनेट उपग्रहांचा आणखी एक समूह पृथ्वीच्या कक्षेत यशस्वीपणे प्रक्षेपित केला. ही उड्डाणे अवघ्या सहा तासांच्या अंतराने कंपनीची दुसरी प्रक्षेपण मोहीम होती.
फॅल्कॉन 9 रॉकेट हे स्टारलिंक उपग्रह घेऊन केप कॅनव्हेरल स्पेस फोर्स स्टेशनवरून सकाळच्या सत्रात मार्गस्थ झाले. हे प्रक्षेपण, कॅलिफोर्नियाच्या वॅन्डेनबर्ग स्पेस फोर्स बेस वरून शुक्रवारी संध्याकाळी करण्यात आलेल्या मोहिमेनंतर लगेच झाले. फॅल्कॉन 9 चा पहिला टप्पा नियोजनानुसार उड्डाणानंतर सुमारे 8 मिनिटांनी पुन्हा पृथ्वीवर परत आला आणि अटलांटिक महासागरात तैनात केलेल्या अ शॉर्टफॉल ऑफ ग्रॅव्हिटाज या ड्रोन जहाजावर यशस्वीरित्या उतरला.
या बूस्टरचे हे अकरावे उड्डाण होते, असे स्पेसेक्सच्या मोहिमेच्या वर्णनात नमूद करण्यात आले आहे.
हे प्रक्षेपण 2025 मधील फॅल्कॉन 9 चे 55 वे प्रक्षेपण होते. यापैकी 38 मोहिमा फक्त स्टारलिंक प्रणाली तयार करण्यासाठी करण्यात आल्या आहेत, जी आतापर्यंतची सर्वात मोठी उपग्रह यंत्रणा ठरली आहे. सध्या स्टारलिंकमध्ये 7,300 हून अधिक कार्यरत उपग्रह आहेत आणि दररोज नवे उपग्रह अवकाशात पाठवले जात आहेत.
असे ठिकाण जेथील नागरिकांचे सरासरी आयुर्मान 120 वर्षे!
हुंजा : दहशतवादासाठी कुप्रसिद्ध असलेल्या पाकिस्तानात एक अशी जागा आहे जिथे लोक 120 वर्षे आरामात राहतात. त्यांना कोणत्याही प्रकारचे आजार होत नाहीत. लोकांच्या दीर्घायुष्याचं रहस्य शात्रस्ज्ञांनाही कळू शकले नाही. व्हेरी वेल हेल्थ या वृत्तसंस्थेच्या वृत्तानुसार उत्तर पाकिस्तानमध्ये एक हुंजा खोरे आहे, जिथे हुंजा जमातीचे लोक राहतात. हे लोक त्यांच्या उच्च आयुर्मानासाठी ओळखले जातात. हुंजा जमातीचे लोक खूप दीर्घ आयुष्य जगतात. इथे 100 वर्षांपर्यंत जगणे खूप सामान्य आहे. आज हुंझाच्या 6 जमाती पारंपरिक तसेच आधुनिक जीवन जगत आहेत. 1980 आणि 1990 च्या दशकात अमेरिकन आणि युरोपीय प्रवासी इथे वारंवार भेट देत
असत. हुंजा जमातीचे लोक 100-120 वर्षे आरामात राहतात, या दाव्यावर अनेक वेळा संशोधन झाले आहे. 1970 च्या दशकात नॅशनल जिओग्राफिकनेही संशोधन केलं. दीर्घायुष्याचं रहस्य काय आहे हे शास्त्रज्ञांनाही पूर्णपणे माहीत नाही. 1986 मध्ये अहमद नावाच्या एका संशोधकाने म्हटले होते की येथील हवामान, हिमनदीचे पाणी, इथे आढळणारे जर्दाळू फळ इत्यादी कारणे असू शकतात. त्यांनी सांगितलं होतं की येथील पाण्यात असे अनेक खनिजे आहेत, जे लोकांच्या दीर्घायुष्याचे रहस्य आहेत; पण एक गोष्ट जी लोकांना दीर्घकाळ जिवंत ठेवते ती म्हणजे इथल्या लोकांचं एकमेकांप्रती असलेले सामाजिक वर्तन.
हुंजा लोक कोणत्याही आजाराने ग्रस्त नाहीत कारण हे लोक खूप मेहनती आहेत. ते डोंगराळ भागात राहतात, त्यामुळे त्यांना डोंगर चढण्यासाठी आणि उतरण्यासाठी खूप प्रयत्न करावे लागतात. त्यांना लांब अंतर चालावे लागतं. पर्वत खूप खडकाळ आहेत, गावं 1000 वर्षे जुनी आहेत जी कधी उतारावर तर कधी चढाईवर बांधलेली असतात, त्यामुळे त्यांना खूप व्यायाम मिळतो. मानले जाते की हुंझा लोक त्यांच्या शेतात जे पिकवतात ते जास्त खातात आणि मांस कमी खातात. तथापि ते हिवाळ्यासाठी मांस साठवतात.
हे लोक शारीरिकद़ृष्ट्या सक्रिय राहतात आणि त्यांच्यात लठ्ठपणाचे प्रमाण खूप कमी असते. बहुतेक लोक सिगारेट ओढत नाहीत, संशोधनात फक्त 47 लोक धूम-पान करणारे आढळले, असेही यातील अभ्यासकांनी म्हटले आहे.